[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၈၇] ရှန့်စိုက်ကျန်းပြောင်|ရွန့္စိုက္က်န္းေျပာင္

!unicode!

ကျင်းဖေးထုန်ရေရွတ်မိသည်။
"အထွတ်အမြတ်ထားရာဒယ်စောက်သုံးလုံး?"

သူသည်ဤအရာနှင့်တော်တော်လေးရင်းနှီးသည်၊ အဘယ်ကြောင့်ဆိုသော် ရှုလင်ကျားနှင့်ဟယ်ဇီကျိုးကြားရှိဆက်ဆံရေးကိုပြန်ပြင်ရန် သူ၏နှလုံးသွေးတစ်စက်ကိုအသုံးပြုခဲ့သောကြောင့်ပင်။

အထွတ်အမြတ်ထားရာဒယ်စောက်သုံးလုံးသည်ကား ချီဇုန်၏မှော်လက်နက်ဖြစ်ပြီး ကောင်းကင်ဘုံကိုဆန့်ကျင်၍ကံတရားကိုပြောင်းလဲနိုင်သည့်အစွမ်းရှိသော်ငြား အသုံးပြုရန်နည်းလမ်းနှစ်ခုသာရှိသည်။

ဧကရာဇ်သုံးပါး၏သွေးကိုယဇ်ပူဇော်သည့်အနေဖြင့်သုံးရင်သုံး၊ မဟုတ်ရင် ကပ်ဘေးကိုချိုးဖျက်သည့်ကံကြမ္မာကိုကောင်းမွန်သောကံကြမ္မာနှင့်ပုဂ္ဂိုလ်ထံလွှဲပြောင်းလိုက်ပြီးနောက် ၎င်းကိုသုံးကာပယ်ဖျက်ပစ်ရမည်ပင်။

အစက ဟယ်ဇီကျိုးဟာကျန်းရွေ့၏ကံကြမ္မာကိုသုံးချင်ခဲ့သည်။

အဆုံးတွင် ဘုရင်ဧကရာဇ်သုံးပါး၏သွေးကိုရှာဖို့ကဘယ်လိုလုပ်လွယ်ကူနိုင်မည်နည်း။

ပြီးတော့ သူတို့ကိုရှာတွေ့ရင်တောင် သူတို့ရဲ့မြင့်မြတ်တဲ့အဆင့်အတန်းနဲ့ ဟယ်ဇီကျိုးကိုသနားညှာတာပေးမယ်တဲ့လား။

ထို့ကြောင့် မတိုင်ခင်ကပထမဆုံးချဥ်းကပ်မှုရရှိဖို့ရာမည်သူမျှမထင်ထားမိကြပေ။

သို့သော် ဤအချိန်တွင် လော်ရှောင်း၏သရုပ်မှန်ကပိုမိုရှင်းလင်းလာလေရာ သူအသိပေးသွားသည့်စကားလုံးငါးလုံးကိုကြားလိုက်ရပြီးနောက်ပိုင်း သေချာနက်ရှိုင်းစွာစဥ်းစားကြည့်ပြီးနောက်မှာ နောက်ထပ်ဆန်းကြယ်မှုတစ်ခုပေါ်လာသည်။

ရှုလင်ကျားပြောလိုက်သည်။
"ယင်းချန်ကလူသားဘုရင်ရဲ့သားတော်ပဲ၊ အခုသာ့ရှစ်ရှုန်းကလည်းမိစ္ဆာဘုရင်ရဲ့သွေးသားဖြစ်ကြောင်းအတည်ပြုလိုက်ပြီဆိုတော့...တောက်ဘုရင်ရဲ့မျိုးဆက်ပဲကျန်တော့တယ်။"

ဟယ်ဇီကျိုးကလော်ရှောင်း၏သရုပ်မှန်ကိုဖောက်​မြင်ပြီးပေမဲ့ ဘာကြောင့်များသူ့ကိုဂိုဏ်းထဲမှာနှစ်ပေါင်းများစွာကြာအောင်ထားထားရတာလဲဟု သူယခင်ကစဥ်းစားကြည့်မိသေးသည်။