[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၅၆] နေရောင်ဆံထိုးအလင်းတန်း|ေနေရာင္ဆံထိုးအလင္းတန္း

!unicode!

ကျန်းရွေ့မှာမိုးကြိုးပစ်ခံလိုက်ရသည့်နှယ် ရှုလင်ကျားကိုရူးသွပ်နေသောမျက်ဝန်းတို့ဖြင့်ကြည့်ကာခပ်ကျယ်ကျယ်ပြောလာသည်။
"မင်းဘယ်လိုသိတာလဲ။ မဖြစ်နိုင်ဘူး၊ လုံးဝမဖြစ်နိုင်ဘူး! ရှုလင်ကျား၊ မင်းငါ့ကိုလာနောက်နေတာလား?!"

ရှုလင်ကျားလှောင်ပြုံးပြုံးလိုက်သည်။
"မင်းယုံလား၊ မယုံဘူးလား။"

ထိုစကားများကိုပြောပြီးသော် သူပိုစဥ်းစားလေလေ ကျန်းရွေ့ပိုနားလည်သွားလေလေပင်။

သူကသူ့ကံကြမ္မာကိုခိုးယူခဲ့မှန်း ရှုလင်ကျားထိုမျှအစောကြီးသိနေသည်မှာမဆန်း၊ သူကံကောင်းနေရင်တောင် ရှုံးနိမ့်သွားတာအံ့သြစရာမရှိပေ၊ ရှုလင်ကျားဟာလည်းသူ့ကဲ့သို့ပင် သူတို့ရှင်သန်နေထိုင်နေသည့်စာအုပ်ထဲရှိဇာတ်ကြောင်းကိုသိနေသည်။

ဒီကမ္ဘာကြီးထဲမှာအရာရာတိုင်းကိုသိနေတာမင်းတစ်ယောက်တည်းဟုတ်မနေ!

ကျန်းရွေ့အလွန်အမင်းလက်မခံနိုင်ဖြစ်မိကာ ရှုလင်ကျား၏လက်မောင်းကိုလှမ်းဆွဲရန်ရုန်းကန်လိုက်ပေမဲ့ သူထိုကဲ့သို့လှုပ်ရှားလိုက်သော် သူ့ကိုယ်ပေါ်ရှိသံကြိုးများမှာပို၍ပင်တင်းကြပ်လာသည်မှာ အရိုးထဲထိတိုင်နစ်ဝင်လုမတတ်ပင်။

လူ့တစ်ကိုယ်လုံး၏အဆီအနှစ်၊ ချီနှင့်အသွေးအသားတို့မှာမီးအိမ်ထဲသို့ခပ်မြန်မြန်စီးဆင်းသွားပြီး တမဟုတ်ချင်းပင်၊ ကျန်းရွေ့၏ဆံပင်မှာဖြူစွတ်သွားကာ သူ့ပါးပြင်နှစ်ဖက်မှာချိုင့်ဝင်သွားလေရာ သူ့အားအလန့်တကြားအော်ဟစ်သွားစေသည်။

ရှုလင်ကျားမျက်မှောင်ကြုတ်မိသည်။ သူသည်ကျန်းရွေ့ကိုနက်နက်ရှိုင်းရှိုင်းမုန်းတီးသော်လည်း ထိုကဲ့သို့မြင်ကွင်းကိုမြင်လိုက်ရချိန်တွင် သူစိတ်မပျော်မိပေ။ သူအော့အန်ချင်စိတ်အနည်းငယ်ကိုသာခံစားရသည်မို့ ရွံရှာစွာဖြင့်မတ်တပ်ထရပ်မိသည်။

သူ၏လက်ရှိအခြေအနေကိုကြည့်ရင်း ရှုလင်ကျားပြောပြသည့်ဘဝမျိုးကိုတွေးမိကာ ကျန်းရွေ့နောင်တကြီးစွာရမိသည်။