[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၁၆]ဓားစမ်းသပ်ရေးသက်တန့်|ဓားစမ္းသပ္ေရးသက္တန့္

"ကလစ်တစ်ချက်နှိပ်ကြည့်လိုက်ပါ ➡ မြေခွေးစိတ်တိုကအွန်လိုင်းပေါ်မှာလူတွေကိုရိုက်နှက်နေပါတယ်ဗျို့။"

........................................................................

သူလားရာကိုရှာနေသည့်အခိုက်၊ ထိုတဝီဝီဆူညံနေသောပိုးကောင်များမှာ သတ်ဖြတ်လူစု၏ဓားချက်အောက်တွင်အတုံးအရုန်းခံနေရဆဲပင်။ ရှုလင်ကျားမှအပ၊ လူတိုင်း၏လက်များမှာထုံကျင်လျက်ရှိသည်။

"ဂျွတ်"ခနဲမြည်သံကိုကြားလိုက်ရရင်း ရွှယ်ရုန်ကအာရုံမစိုက်ဘဲ သူ့လက်ထဲရှိဓားမြှောင်ဖြင့်ဘေးကကျောက်နံရံကိုရိုက်ချလိုက်ရာ ၎င်းကမြေပြင်ပေါ်သို့လဲကျသွားသည်။

သူ့နံဘေးတွင်တစ်ခဏတာရပ်တန့်သွားပြီး ထိုပိုးကောင်များမှာပိသေသွားကြပြီဖြစ်သည်။

ရှုလင်ကျားသည်ဓားအသက်ရှုသံ၏ယာယီဆွဲဆောင်ခြင်းခံလိုက်ရကာ ရွှယ်ရုန်၏လက်မောင်းကိုမြန်မြန်ဆုပ်ကိုင်လိုက်သဖြင့် ရွှယ်ရုန့်ကိုလက်တစ်ဖက်တည်းဖြင့်မလုနီးပါးပင်၊ သူ့ကိုသူ့အနောက်ကိုဆွဲသွင်းလိုက်သည်။

ရိလင်းကသူတို့ဘေးတွင်ရှိနေခြင်းပင်။ လူတိုင်းကတစ်လမ်းတည်းဖြစ်နေမှတော့ အရင်ကဆက်ဆံရေးကဘာပဲဖြစ်နေပါစေ ယခုဝင်ကူညီတာကသဘာဝကျသည်။

သူသည်အကြေးခွံမျိုးနွယ်စု၏ရေထိန်းချုပ်ခြင်းနည်းလမ်းကိုသုံး၍ သူ့လက်ထဲတွင်ချိပ်စည်းတစ်ခုဖော်လိုက်ရာ သူ့ရှေ့တွင်ရေကန့်လန့်ကာတစ်ခုချက်ချင်းဖြစ်ပေါ်လာပြီး ပိုးကောင်များ၏တိုက်ခိုက်မှုကိုယာယီကာကွယ်ပေးထား၏။

ရှုလင်ကျားဝတ်ရုံလက်ကိုခါ၍ ရိလင်း၏လက်ကသူ့ကိုအလုံးစုံမထိလာခင် ဘေးကိုဖယ်ပေးလိုက်သည်။

သူ့တွင်အခြားသူများကိုကူညီချင်သည့်သဘောထားရှိနေလိမ့်မည်ဟု ရိလင်းမထင်ထားမိသဖြင့် သူ့ကိုတအံ့တသြစိုက်ကြည့်လိုက်မိသည်။ ဤမဖုံးကွယ်ထားသောအခိုက်အတန့်၌ ရှုလင်ကျား၏မျက်ဝန်းထဲမှတစ်ခဏတာစိတ်ပျက်ရွံရှာမှုကို သူဖမ်းဆုပ်မိလိုက်သည်။

ဤမျက်နှာထားထဲကအထင်သေးခြင်းနှင့်ပြက်ရယ်ပြုခြင်းကို မဖော်ပြနိုင်လောက်အောင်ရင်းနှီးနေသည်ဟု သူရုတ်တရက်ခံစားမိကာ သူ့ကိုထူးထူးဆန်းဆန်းခံစားသွားရစေသည်။