[၉]ညအချိန်နှင်းခဲ|ညအခ်ိန္ႏွင္းခဲ

7.1K 1.1K 3
                                    

"Hostမှာမြေခွေးအသွင်ကိုပြန်ပြောင်းဖို့၅စက္ကန့်အချိန်ရပါတယ်! သတိပေးချက်! ချစ်စရာသတိပေးချက်!"

...........................................................................

သူ၏လူတစ်ကိုယ်လုံးနှစ်ခြမ်းကွဲသွားပုံရသည်ဟု ရှုလင်ကျားခံစားမိသည်။

တစ်ဖက်တွင်၊ သွမ့်ဟောင်ရန်၏အလွန်အကျွံတင်းမာပြင်းထန်နေသောစိတ်ခံစားချက်များက သူ့ကိုလွှမ်းမိုးလာပုံပေါ်ပြီး နက်ရှိုင်းသောနာကျည်းမှု၊ မကျေနပ်ချက်နှင့် နောင်တတရားတို့ကို သူအပြည့်အဝတွေ့ကြုံခံစားလို့ရနေပေသည်။

သို့သော် နောက်တစ်ဖက်၌မူ၊ သူ့အသိစိတ်ကိုထိန်းသိမ်းထားသဖြင့် ဘေးမှရပ်ကြည့်သူတစ်ယောက်၏အမြင်မှနေ၍ ဤအခိုက်အတန့်ရှိခံစားချက်တိုင်းကို သူပို၍ရှင်းလင်းပီသစွာတွေ့ကြုံခံစားနိုင်လေသည်။

သွမ့်စဲ့ကို ဟွမ့်ဟောင်ရန်ဓားနှင့်ထိုးလိုက်ချိန်တွင်၊ မိစ္ဆာဓားဟာသေဆုံးရခြင်း၏မကျေနပ်ချက်များကို အငမ်းမရဝါးမျိုလိုက်ပုံရပြီး ဓား၏စူးရှသောအသက်ရှုသံမှာ ပိုမိုပြင်းထန်တက်ကြွလာကာ အထိန်းအကွပ်မဲ့လုမတတ်ဖြစ်လာသည်ကို  ရှုလင်ကျားသတိပြုမိလိုက်၏။

သူ့ရင်ထဲတွင်ပြင်းထန်သောလူသတ်ချင်စိတ်ရှိနေသဖြင့် အကယ်၍ သူသာ အခြေအနေကိုဒီလိုမျိုးတိုးတက်ခွင့်ပေးလိုက်မယ်ဆိုရင် မကြာခင်မှာပုံရိပ်ယောင်၏ဝါးမျိုခြင်းခံလိုက်ရပြီး သူ့ကိုယ်ပိုင်အသိစိတ်လုံးလုံးလျားလျားပျောက်သွားလိမ့်မည်ဟု  ရှုလင်ကျားသဘောပေါက်မိသည်။

စိတ်ဝိညာဥ်စွမ်းအားကိုများပြားစွာအသုံးပြုခြင်းကား မြေခွေးအဖြစ်သို့ပြန်ပြောင်းသွားနိုင်သော်လည်း အခုသူ့တွင်တခြားရွေးချယ်စရာရှိမနေ။

နတ်သမီးဝမ်ယန်ပေါ်ကိုကျတော့မည့်ဓားသွားမှာ ထို့နောက်တွင် ချက်ချင်းရပ်တန့်သွားတော့သည်။

ရှုလင်ကျားသည်သူ့အသိစိတ်ကိုရှိရှိသမျှအားအင်အကုန်သုံးကာထိန်းသိမ်းလိုက်ပြီး သူ့ခန္ဓာကိုယ်ကိုထိန်းချုပ်ပြီးလှုပ်ရှားလိုက်ရာ သူ့ဝတ်ရုံလက်တွေကသူ့ကိုယ်တစ်ဝိုက်တွင်ဝဲခါသွား၏။

[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်Where stories live. Discover now