مَــلاذ قـلبي المُرعب

البارت الثالث
____________________

مرة ڪتلي
الدنية ما تصفة وي ڪلمن
يخنگ الدنية بونينة
وعلمتني آضحك واغني
بال ڪل ذڪرة حزينة
يا حبيبي
أنت واهس ڪل فرح باقي إعلة عيني
وآنه مو بس ملڪة رايد
أرد اشمك من تجيني
وشرد آوصفك
يا نبع يالصافي طينك
ويا برد يندل حرڪتي
ولاية الريحان عينك

__________________________

غياث :( حذرتج بس انتِ تحبين تلعبين بالنار

وين اروح هسه شسوي لتفتت ما لكيت غير المكص اقرب شي عليه جريته و وكعت الصينيه بالكاع ..

ايسار :( لتجي

مستمر يجي بتجاهنه و هذا محتمي بي  صدك بالله هسه غير المفروض اني احتمي بيه هوه الرجال ..

ايسار :( شتريد منه

تقرب اكثر وجهت المكص بوجه جر ايدي بحركه سريعه و لواه ورا ظهري ..

غياث :( لا تجبريني ابدي بيج بالبدايه و تخربين ونستي خليج للنهاية حته استمتع

ايسار :( هدني خبل انت مو صاحي والله حعيط والم المستشفى عليك

بقه يتفحصني بنظراته بعده طلع سجينه من جيبه وقربني عليه ..

غياث :( ناوي عليج نيه بس عند الله خبرها

يحجي و يمرر السجينه ع وجهي ..

فجأه شمرني ع الجه الثانيه ونطخ راسي بالحايط من الوجع كمت اشوفه ثنين ..

توجه ع الرجال و اني احاول ازحف للباب ..

تجيت نفسي ع الحايط و كفت غصبن عليه حاولت افتحه مره ثنين ماكو ..

ايسار :( ساااااعدوونه اكووو احددد هنااا مهددددي وينككك تعاااااال سناااء نوور خلصوونه وينكمممممم مهددددددي

اضرب ع الباب كل ما عندي من قوه و اعيط رجع جرني من ايدي ..

غياث :( مو كلنه لا تجبريني

ايسار :( عوفني الله يخليك شسويتلك اني هدني والله مسويت شي

غياث :( اذا نريد نحافظ ع نفسنه و ع باباتنه الي بالبيت لازم نكعد راحه

سمعته جاب طاري بابا لو تخبلت صرت افرفح دموعي ما يرضن يوكفن و احاول افلت نفسي منه ..

ايسار :( هدني ما اسوي شي هددني ابويه معليه عفييه منوو انتت ليشش كل هذاا

غياث :( اكره البچي

ايسار :( خلي اطلع ما ابقه هنا بس خلي اطلع هدني

غياث :( جؤ جؤ شغلي وياج بعده ما خلص

دفعني ورجع لنفس الرجال الي اله شويه يموت من خوفه و دمه الي ما اعرف منين ..