مَــلاذ قـلبي المُرعب

بارت ثلاثة و عشرين
______________________

لا تڪلي الڪبر والچفن والتابوت ،
فڪرة موتك مَامِقتنع بيها
عَدل وتضل عدل لو تندفن مرتين
يامَحبوب عَيني ومي سواجيها ..
________________________

حيلنه كله باد واحنه نسمع صوت غياث وهوه يصيح ..

طلع عاصم يركض ومحمد و زيد ما يندلون دربهم نفتح باب بيتهم ع حيله ..

اخاف اخاف اكوم و اشوفه هوه الي تصوب رجليه متعيني .. ام عاصم طلعت مفزوعه ..

ام عاصم :( يبوووووووووووووو راحوو ولدي

هنا كمت ركضت وراه و ريتني ما كمت متمددين بالكاع و دم متعرفين منين الدم ..

كل حيل مظل عندي شلون هيج هسه ستوهم وكافين يمنه هسه الضحكه تارسه وجوهم ..

كل العالم لتمت وكله تصيح احاول استوعب الي صار غياث وينه صارله شي ؟ نصاب وياهم ؟ حازم وين نضرب ؟ سيف تأذه ؟ ..

عيوني نشفو احس روحي تريد تطلع من مكانه و نفس ماكو احس قربت نهايتي دا اموت ع البطيئ ..

سمعت صوته هوه هذا عياطه نزلو دموعي وجريت نفس عبالك واحد جان خانكنني ..

غياث :( سسييف سيف حاجني شوو ما بيك شي اكعد خويه حازم كوم كوووم حااازم اطلعكك مو تريد تطللع كوووم شيلوو وياي سيف

ام عاصم تصيح رحاب تصيح البنات يبجون سهى تباع بصدمه هاي واقع لو خيال ؟؟

ركبو سياراتهم وناس تركض تريد تلحكهم ..

فجأة ختفو محد بقه بس احنه بعدنه ممتخطين الصدمه وسرعة الي صار ..

بقينه ع گعدتنه بالطرمه و النسوان مدري منين صارت تجي هوسه وكله تبجي ..

سهى :( سيف مات ؟

جنت معزوله عنهم فجأه صارت بقابيلي ..

سهى :( ما مات مو

سهى :( بعده صغير بس انه شفته شفته ايسار عيني اجت بعينه ابتسملي قبل ما يغمضهن ايسار شفايفه جانت تتحرك جان يحجي بس ما سمعت ها كولي فدوه ما بي شي يرجع

ايسار :( يرجع هسه يرجع وينه وين الموت مثل ما طلع منا يضحك هسه يرجع يضحك

حنين :( حازم شنو ذنبه ليش يصوبونه بشنو مأذيهم

سهى :( سيف جان الدم مغطي وجه خوما يتأذه ؟ تأذي الطلقه احجي انتِ تعرفين يتألم

ايسار :( سهى

اريد انطق اريد اطمنه و اخفف عنه ما اگدر العبره خانگتني منضرهم ما يروح من عيني شلون اطمنه واني خايفه اكثر منه ..

مرت الساعات علينه مثل الكابوس هنه ساعات مرن مثل السنه .. ننتظر خبر منهم وهمه ماكو ام عاصم وكعت ومحد يمنه ياخذه للمستشفى ..