مَــلاذ قـلبي المُرعب

انتَ والدنيا وشتا الله
وخبصّة الوادم وحظي
والضياع الماد رچله بوچه عُمري
والأماني المدري ياهو باگ بيهن
والليالي التاخذ من الحيل من تريد تگضي
والضوا الما يشتهيني
والهوا الما يعتنيلي
ذني گلهن يوچعني .

___________________________

خليته يمها وقبل لا اطلع ستوقفني صوته ..

غياث :( ابقي يمها 

نداريت عليه يباع عليها ويحجي وياي ..

غياث :( خلي من تگعد تشوفج احسن وحاولي تهديها 

اباع عليه وي كل كلمه يحجيها اذكر حبيب روحي .. 

غياث :( اي شي يصير اتصلي عليه من جهازها 

اخذ ملابس سود من گنتوره وصل يم الباب وقبل ليطع گال ..

غياث :( اي واحد يتعرضلج او يسمعج احجايه تعاي گليلي 

وطلع رجعت يم ايسار گعدت يم راسها العب بشعرها وهيه ع نفس النومه ..

سناء :( ما گعدت 

هزيت راسي بالنفي ..

سناء :( سوده عليه 

اجت بوسته وگعدت يم راسه وبقينه گاعدين يمها للصبح ..

تقريبا دكت الـ 12 الظهر اله بدت شويه تصحصح وجنت بس اني يمها ..

ايسار :( غياث امير وينه 

فتحت عيونها شويه شويه تهز براسها يمنه يسره ..

ايسار :( هنادي شصار وينهم صار شكد نايمه 

حضنته بدون ما احجي خلت راسها بحضني وسكتت ..

سحبت جهازي كتبت لسناء كعدت تعاي وخطيه بساع اجت وبيده صينية اكل ..

سناء :( ها صح النوم 

خلت الصينيه بالكاع واجتي هم حضنتها ..

سناء :( تگومين تاگلين لگمه ؟ 

ايسار :( وينهم

سناء :( هسه يجون 

ايسار :( امير سناء امير 

سناء :( شوفي والله مو زين عليج انتِ من البارحه ممخليه شي بحلگج بس نزلي اگلي ع الواهس ويانه ها 

ايسار :( تضحككككككون عليه اني وين احجي وانتو وين تحجون ابني اريدددددده اميررر وينننه 

خليتها تتطلع حرگتها احسن ما تكبته بس سناء جانت تحاول تهديها ..

ايسار :( سناء نايم اني نومته والله اني نومته نااييم 

سناء :( اي اي هاج شربي مي  

دفعت ايدها وبقت صافنه شوي بعدين دفعت سناء وگامت ..