مَــلاذ قـلبي المُرعب

بارت السادس و عشرين
________________________

اعترفلك گمت اخاف
من الامان الماهو يمك
واعترفلك انه احبك
لسه احبك .
_________________________

ايسار :( حنين غياث

كعدت ع الكرسي وذبت الجهاز من ايده واني كعدت بالكاع يم رجليه ولازمه ايده ..

ايسار :( شبي احجي شنو جلطه

حنين :( ضاربته جلطه و ضغطه معلگ للستار

ايسار :( ششلون وهسه وين هوه

حنين :( ما اعرف ما اعرف صياح زلم هواي يمهم و كوه يحجي هوسه فوضى

منظره ما يروح من بالي وكل ما اغمض عيني يصير كبالي ..

حنين :( خساره ورا خساره شلون نتحمل

رتديت بالگاع رجعت جرتني بهستريه ..

حنين :( تتحملين فقداانه ؟؟ احجي تتحملين يروح منج ؟؟؟؟ حاجيني شلون انطااج كلبجج شلوون هيج ما توقعتج ما تحبينه لهل الدرجه

ايسار :( الاقل انتِ لا تسوينه

حنين :( شسووي فهميني شنوو الما اسوويه اخوويه سنددي ولج راحوو ثنين و لحكتهم اختي وهسه اذا راح غياث وين اروح انه انتِ اكثر وحده تعرفين غياث شنووو

ايسار :( ردته يرتاح

حنين :( يرتاح ؟؟ يرتاح ايسار يرتاح ؟؟؟

زهره :( شبيجج حنين ليش تصيحين غياث بي شي

حنين :( الله يااخذج انتِ يا ربي اخذه ولا تاخذه

زهره :( لا انتِ هواي تماديتي يجي عاصم و اخلي يعلمج شلوه هشكل تحجين

حنين :( خلي يجي انه اريده يجي طكت روحي خلي اسولفله ع سوالفج وع سحورتج

زهره :( والله حبيبتي السحر يمجن

حنين :( شفتج بعيني وانتِ تسحرين ما اريد احجي ولي عن خلقتج

زهره :( سهلة اني الج يا حنين سهلة

حنين :( شسوين تسويلي سحر مثلا ؟؟

ثنيهن طلعن وبقين وحدي كاعده بالكاع وتايهه وين تاخذني بعد الدنيا .. بمنو تختبرني بعد ؟

بقيت مثل الغريبه بينهم .. نظراتهم الي تخليني اشمئز من نفسي ..

وبهذا اليوم كبرت عشر سنين ليكدام بسبب الي صار و الحجي الي سمعته ..

محد وياي وحدي بس اني اهلي عافوني و هسه غياث هم عايفني ..

رجعت لغرفتي و كعدت بالزاويه ضامه رجليه لصدري واهز بنفسي و اردد بكلمات الي يشوفني يكول خبله و مو بوعيه ..

ما اعرف شكد مر وقت وشصار وهسه بعده نهار لو صار ليل ..

نفتح باب الغرفه سديت اذني كل قوتي ..