مَــلاذ قـلبي المُرعب

خِذني يمَك
بعَد ما ضَل ڪل عذِر لا تعتذر
لَيل عُمري وعُمرك خلص
بعَد ما بي صبُر
خَل نلم احلاَمنا ونحفُظ صوَرهن
قبل لا ياخذهِن بدربه الفَجر
وخَل نِلم البَاقيات ، سِنيني وسنينك
نسويهن عُمر وهنَّ ما يڪفن عُمر
و نبدي من جدَّ و جديد
بواهِس سنين الصُغر
ولو وازانه الڪُبر
خَلي آيامنا بخطوة العَاقل
وافتخر بيهَ ويا روحَك
وانهَ ويا رُوحي اضل بيك افتخُر
خَل نسَوي العِشرة ورقة
ونصنَع مِن الدَمعة والضحڪة حِبر
حَتى ڪل لحظة تمُر ، بالجاي نڪتبها شِعر .

_____________________________

بعد مرور اشهر ...

رجع غياث بارد بشكل مو طبيعي .. يطلع من الصبح يرجع بنص الليل وينام وما يحجي ابد ..

جابلي جهاز وصرت يوميه اتصل ع هنادي مره تفتحه ومره لا ..

ومن تفتحه ما تحجي بس اني ابقه احجي ..

مرت الاشهر ع هذا الوضع بين شغل البيت و الخطار و الحزن الي مغيم علينه ..

غياث من يوم الي توفه بي امير لحد هسه هوه ما نازع الاسود ويباع لكل العالم بنضره حاده ازيد من قبل .. لمن يكعد بالبيت البيت يصير صنطه والجهال يروحون ع البيت الثاني ..

حملي جان حل متعب والي يتعب اكثر اني وحدي ..

دخلت بشهر السابع وبطني يا دوب مبينه .. كُلشي اكله استفرغه و نادراً ما يبقه اكل بمعدتي ..

تنساتي حيل جانت صعبه ..

رحاب جابت بنيه وراحت كم يوم اهله ورجعت ..

سمو البنيه سهى ..

رنا :( ايسار

جنت دا امسح بالكاونتر وايدي ع ظهري ..

ايسار :( همم

رنا :( شوكت ناويه تكولين اني حامل ؟

ما رديت عليه الجو جان شتا وبارده بس اريد اخلص و اصعد انام ..

رنا :( كلنه ندري و وضعج فاضحج و الشيخه لمن سئلت غياث كلله اي حامل

ايسار :( اي حامل شسوي يعني

رنا :( اي ماكو داعي تضمين هذا الشي

ايسار :( اذا تعرفون شكو بعد

سكتت ما حجت واني هم كملت شغلي وصعدت الغرفه بارده ممفروشه و الگاشي يصل ..

نظفت الغرفه ومسحت اثاثه واجت يمي رحاب هيه و النونو ..

رحاب :( بارده غرفتج ولج

ايسار :( ادري اريد اصعد الصوبه شويه تدفيه

رحاب :( لا تتمرضين وبعدين وين تكدرين تشيليه الصوبه خلي غياث من يجي يصعده

ايسار :( الله كريم شلونها الحلوه