مَــلاذ قـلبي المُرعب

ليش يا راحة گليبي؟
و يا بعد روحي حزين
ليش ينغث الحنين؟
و ليش ما دنيت راسك فوگ چتفي
وگلت نعبُر ما تظل عدنا حواجز
ليش خليتني أصير إنسان عاجز ؟
لا انا گاعد گربك وأكدر أضمك
ولا انا عارف بيش أواسيك وأكلمك
انا لو بيدي أشيل الفرحة من العيد
وأشمرها على گلبك
انا گد عجزي إذا شفتك حزين
أحبك

___________________________

وقبل ليبوس هوه اني بسته شلون ما ادري بس بسته بخفه ضحك ..

غياث :( مو هشكل تعلمي

رجع باسني هوه بس بقوه لحد ما نگطع نفسي بعدين رجع گال ..

غياث :( حضري ملابسج

ايسار :(والله ؟

غياث :( اذا ترتاحين بروحتج ليش لا 

رگضت لميت كم شغله لـ لحظه وحده سهيت وخليت جنطه صغيره لـ امير .. لمن خلصتهن وخليتهن وحده بصف الخ لتفتت متلهفه لمكان امير .. بس مجان موجود ..

گعدت بالگاع واني اتذكر شلون راح مني وبعد ميرجع ..

اجه گعد بصفي وثنينه منتچين ع الجربايه ..

ايسار :( حضرت جنطته 

ايسار :( التعب والسهر والالم وضحكته وحجاياته كلهن هيج يرحن ؟ مو حرام ؟ 

غياث :( يمكن روحته هسه افضل 

ايسار:( الصوج بيه 

غياث :( محد بي صوج 

ايسار :( هلكد سهل عندك ؟ هلكد عادي ؟

غياث :( اي 

ايسار:( اريد اعيش مثلك بدون احساس و بدون گلب 

ابتسم وگام من مكانه .. طلع ملابسه الي يريد يلبسها ..

غياث :( انتظرج جوه

طلع واني گمت بدلت ولبست شالي وشلت جنطتي وتلبيسة لـ امير خليته وي غراضي طفيت الضوه ونزلت ..

سناء :( هنادي حتفرح بيج هوايه 

ابتسمتله وطلعنه .. غياث ومصعب واكفين بالباب وثنينهم يدخنون ..

مصعب :( اخذهن انه انت ابقه 

غياث :( لا اخذ سناء و توكل احنه نمر ع مكان بعدين نطلع 

مصعب :( براحتك 

اشرله وهوه استلم الاشاره وصعدنه بالسياره وهمه راحو بسيارتهم ..

الطريق گله ساكتين ومحد ميحجي ولا مرينه بمكان من بيتهم لبيتنه ..

وصلنه الدنيا مغرب وسناء ومصعب واصلين قبلنه ..

دخلنه وغياث سلم ع عمي وراحو ع دوانيه واني دخلت للبيت ..

ام مصعب :( الف هلا يمه الف هلا ليش ما كتولي تجون جان حضرنه العشه