مَــلاذ قـلبي المُرعب

 يوميه تكسر خاطري وتكسرني 

و يوميه تخسر نفسك وتخسرني 

لو تدري بيه شكد حجي ما ينكال 

يوكف بشفتي واسكت ويعبرني 

هلمره احسك ع البعد تجبرني 

___________________________

ايسار :( صباح الخير لعيونج الحلوه الشايله حزن ما تستاهله

ابتسمتلي ابتسامته الذبلانه بدون ما ترد نفس كُـل مره ..

ايسار :( اسويلج شي تاگلي ؟

هزت راسه بالنفي ..

ايسار :( بس احنه جوعانين ومنگدر ناگُل اذا مو انتِ

ولا گأنه سمعتني شغلت جهازه ورجعت تمددت ع الجربايه ..

طلعت من الغرفه متوجه للمطبخ جان باب المطبخ  مفتوح ..

بديت احضر بالريوگ واني امشي بخفه ..

گملته وحضرت الصينيه .. طلعت للحديقه جان الجو مغيم والشمس خفيفه ..

طلعت مفرش فرشته بالحديقة وطلعت الاگل ورجعت لهنادي ..

ايسار :( عادي تجين وياي نتريگ؟ بالحديقة و الجو حلو ونسمات بارده وجاي دافي

ما انطت اي ردت فعل رحت عليها لزمت ايدها خليتها ع بطني ..

ايسار :( يگول ما اگُل اذا هنادي متجي ويانه

ابتسمت وع أثر ابتسامته ابتسمت و طلعنه للحديقه تربعنه ثنينه صبيتله جاي وجان كُلش بارد صاير ..

تمنيت هيه تحجي بذيج اللحضه تمنيت ترزلني مثل قبل وتمد لسانه .. ما انطت ردت فعل شربته رغم جان مينشرب ..

ايسار :( احمي واجي ع السريع انتظريني

رحت حميته ع السريع وصليت من جديد اكلت شويه واني هم اكلت بس جنت فرحانه بيها ..

ايسار :( تجين نگعد ع المرجوحه

راحت كعدت واني لملمت المواعين دخلتهن للبيت ورجعت يمها ..

گعدنه ثنينه ع المرجوحه .. خلت راسها ع متني وحضنتها ..

ايسار :( الي راح راح هنادي إلى متى تبقين بهاي الحاله ؟ الي دا سوينه بنفسج برايج يرجع امير ؟ 

ايسار :( روحي تأذيني من اشوفج بهاي الحاله هنادي رجعي نفس قبل رجعي هنادي الي ما تسكت الي حته  حزنها تحوله ضحك وتضحك ع نفسها رجعيلنه هنادي 

نفس كل مره تكتفي بالنظر لا اكثر ..

حاولنه اكثر من مره ناخذه لدكتور نفسي بس جانت ترفض و اصلا جنه نطلعها بحجت نروح لـ بيت امير ..