مَــلاذ قـلبي المُرعب

يا حبيبي
الناس مابيهم معزتك
وجوهم تطفى بضحكتك
بس الك ينگال وينك
دمي يمشي گبال عينك

____________________________

صدمه ما اعرف شنو اكول ولا اعرف شنو اتصرف ..

هاي مو اول مره احبل بس اول مره اعرف بوجوده قبل ميموت ..

غياث بقه يباع عليه بدون ما يحجي شي واني اباع ع الدكتوره ..

:( تقريباً عمره شهر و شويه عنيد و قوي بنفس الوقت اذا تحبين اخذلج سونار تشوفينه

ايسار :( ها

:( ما تردين تشوفينه

ايسار :( لا اقصد اي اريد

:( من يخلص المغذي اجي

طلعت الدكتوره و اني ايدي ع بطني شلون هوه بداخلي شهر كامل و اني محاسه بي ؟

وكف غياث باس راسي وبقه حاضني بدون ما يحجي شي ..

ايسار :( اكو روح بداخلي هسه انت ابوها

قوه حضنته بدون ما يحجي شي ..

ورا ما خلص المغذي جتي الدكتوره و اخذتني سوتلي سونار ..

ما اعرف شنو احجي بس اباع عليه و اشوفه شلون يتحرك بشكل متقطع ..

طلعنه و كتبتلي الدكتوره هواي علاجات اخذ غياث بأيدي بدون ما يحجي شي وطلعنه ..

جانت اكو صيدليه قريبه دخلنه سويه شترينه العلاج .. أثناء ما دفع غياث الفلوس واخذ علاگة الادويه لاحظت ايده ترجف ..

صعدنه بالسياره و الوضع هدوء بشكل غريب ..

الفجر بدا يصير ورغم هواي مشت السياره بس ما وصلنه للفندق ..

ايسار :( الطريق طويل لو اني متوهمه بساع وصلنه للمستشفى قبل شويه

غياث :( لا مو متوهمه

مجنت متوقعه ولا أبالي انو ممكن بهيج وقت و بعد هيج صدفه و مفاجأه ياخذني يم ابويه ..

جانت الشمس توه باديه بس اكو ضوه .. صوت قرآن مالي المكان ريحة بخور اكو طاقه غريبه ما اعرف شلون اوصفه ..

للحضه حسيت نفسي وحيده و سهيت .. اني شجابني هنا ؟ ليش وحدي ؟ بقيت اتلفت بين الگبور الي ما بيهن عرف .. وكأنو شي فجأه سحب رجلي ودا يدخلني لسرداب قريب .. عيطت بصوت عالي بس ماكو صوت شلون افسره ما اعرف ..

فجأه بلمسه وحده يطلع هذا خيال اني بعدني ببداية وادي السلام مداخله .. لزمة غياث انقذتني ..

دخلنه واني احس ع ساعه يرجع هذا الشي يسحبني لذالك جنت ملزمه بغياث بثنين اديه .. وارجع نفسي عليه وكأنو اريد اختل بداخله ..

غياث :( انتبهي بويه

ايسار :( لا تهدني

غياث :( ما اهدج