مَــلاذ قـلبي المُرعب

البارت التاسع
_____________________

أڪبـال اعيـونـي آشوفك وين مآصديت
حتىٰ بـ نآس ڪلش مآيشبهونك
دلـيـني واوعــدك مآ أڪـلـك جــاي
مــن بعيـد أشـوفك وآني ممنـونك ..

______________________

...

غياث جان أقرب واحد لگلب الشيخ لانو يشبه اخو ..

الشيخ جان عنده أخ واحد و هم جان اسمه غياث أنقتل غدر بسبب ثار بينه وبين شخص .. بعد قتله بفترا قصيره أجه غياث و سما الشيخ غياث لانو جان يشبه حيل ..

غياث عاش و ربى يم الشيخ ودرس و تخرج و هوه يمه احنه قبل جنه ببيت بعيد عن بيت الشيخ لكن بعده رجعنه گعدنه وياهم ..

غياث جان يختلف عن اخواني سيف و عاصم جذرياً شخص متسلط و قاسي و محد جان يگدر يحجي وياه كلمه وحده بس .. ابويه جان يكول انو هاي تربيه الشيخ هوه سواه ورباه هشكل حته ما يخسره مثل ما خسر اخو .. لكن الشيخه جانت تكول الشيخ غياث هم جانت هاي طباعه والناس كُله تهابه و تحسبله الف حساب و غياث مو بس جان يشبه بالشكل حته بالشخصيه ..

روحه بالاسلحه و القتل و كل حجيه من ننجمع بالفريسه و الصياد ..

هذا طبعه جان يخلي الكُل ينفر منه وحته الي يتقرب عليه يكون فترا معينه علمود مصلحه ..

حته بنات عمي لمن جانت امي دا تريد تزوجه جانن يتخبلن و يشردن من يسمعن بأسمه ..

حته الأطفال جهال اخواني و ولد عمي جان يعلمهم ع السلاح من همه و صغار و ياخذهم للصيد و يجون يبجون من الخوف ع المنظر الي شايفينه ويبقه يرزل بيهم و يدعي انو همه جبناء ..

_______________________

جان يجي للمستشفى من عنده شغله و يريد يخلصه بسرعه واذا دخله يدخل العالم انذرا ..

من يجي ما يطلب يأمر و الي مينفذ ما يسلم من ايده ..

جان لمن يجي يريد مني اعالج اشخاص حته هوه يگتلهم او يعاقبهم مثل ميكول بس جنت ارفض ..

وحيل ينزعج و يعصب بس ما أتأثر ..

بيوم من الايام ابويه جان طالع بعراضه و متصوب و جابو علينه بعتبار عدنه كادر جديد و محترف ..

لمن اجه جان متخبل و يترادم وي كُل المستشفى ..

بنفس اليوم باليل اجتني نور تترادم هم و حسب ممسولفتلي مصادفته ..