مَــلاذ قـلبي المُرعب

بارت الخامس وعشرين
________________________
أخذني وياك مو مِنك
أخاف إلغيم يندلني
ويسُولف للعطش عنك
أخذني آحتاجلك منفه
أخذني الوطن مو ڪلشي
اذا مو شابڪك وآغفه..
أخذني ، عيون الحديثات غضن
شوفهن وبروحي شافنك
أخذني وياك مرجوحه تعب تبچي
إعله صوت اطفال
وآحچيني آشتهيت أنڪال ..

___________________________

علي :( احججي غيااث

غياث :( ما يخصكم

كعد امير مقابيله و واضح عليه العصبيه وكوه لازمين اعاصبهن .. همه براكين و غياث اضرب منهم و الله اليستر ..

امير :( غياث انه اعرفك اعرفك حافظك انت ما تكتل الزلمه وين وديته و الغراض بالمخزن ؟؟

رفع راسه باوعلة بنظرة استهزاء ع غضب ورجع لتفتلي اشو تقدم وهيج دفعني ورا مثل الي غطاني ..

غياث :( كتلته ذبحته ضميته حبسته ما يخصكم خوش المخزن حركته هوه والي بي انطيته بلغت عليه هم ما يخصكم

علي :( سامع نفسك شجاي تهذري ؟

غياث :( و بكامل قواي العقلية

مصعب :( مفتهمك الي راح منك مو شويه و مثل ما انت فگدت اخوانك احنه خسرنه اخوانه

غياث :( محد مفتهمني الي راحو اخواني الي راح ضلع من ضلوعي

علي :( غياث انت مو بوعيك

امير :( لا شكله هوه ما عادنه وي اخوته اصلا وعباله بس الي جابتهم امه اخوته وعباله الي راحو مو اخوتنه

علي :( كوم امير مو وكت هذا الحجي

امير :( لا وكته خلي يشوف نفسه وتصرفاته عازل روحه يشتغل بكيفه ما حاسب حساب لواحد رجل كرسي احنه مخلينه نفتر ورا مثل الطراطير دمنه ناشف يركضله ورا عصابه اله اول ماله تالي وحده حاطله مسدس بجيبه يكول كتلته مو وين جثته وين ذبه ما موجود غياث ما يكتل غياث ينتقم شوف وين ضامه و ع شنو ناوي

غياث :( خلصت ؟

مصعب :( حجي امير صح الي تسوي غلط و ع الاقل فهمنه خلي نتصرف وياك وما نخليك وحدك

غياث :( تعبان اريد انام

علي :( رايحين بس خلي ببالك مال نعوفك مستحيل وين ما تروح نطلع كدامك

غياث :( لو ما انتو مخربين الوضع جا هسه انه اتحاسب وياهم

امير :( وبكل مره راح نخربه ونطلعلك من حيث لا تلعم واريد گ**** يعترض

امير :( السموحه خويه

هزيت راسي بمعنى عادي وتالي طلعو اشرلي علي و سويت روحي طلعت اوصلهم للباب ..

علي :( صار شكد ما نايم

ايسار :( اكثر من اربع ايام

علي :( واكل هم ما ياكل خويه هذا منوم حبايه وحده ما تنومه دكيله ثنين تلاثه و ما عسه ينام يومين خليه خوش