مَــلاذ قـلبي المُرعب

٨

سافرتُ أبعدَ ما أطيقُ ولم تزلْ
عَيناكِ في عيني ووَجهك وجهتِي
فإذا نظرتُ فأنتِ غايةُ نظرتِي
وإذا ڪتبتُ فأنتِ أنتِ قَصيدتِي
أنا دون صوتكِ قِصّةٌ لَم تَڪتملْ
يَاصَفحةَ الفَرحِ الُمضيءِ بِقِصّتي
يانجمتي قد ضعتُ في ليلِ الهوى
عُودي إليّ لڪي أواصلَ رِحلتي

________________________________

بقيت افتر بالبيت اروح وارجع ما اعرف شسوي ..
جريت صايتي من الغرفة وحطيت شالي على راسي وطلعت بس الجهاز بأيدي ..

وكفت على الشارع العام 
و وكفت تكسي وصعدت بيها رحت للمستشفى ..

بس ما وصلت نزلت بسرعة ..
:( وين خوية والكروة 

ايسار :( ما عندي ما شايلة 

:( ما عندج شنو 
ليش وكفتيني اذا ما عندج ؟

ايسار :( ليش تعيط هسة انطيك 

:( باعي لج هاي شكولج هواي مرن عليا قبل 
والله اليعلم منبن مهزومة بهذا شكلج 

باوعت لروحي صايتي مفتوحة وشالي مدري شلون لافتة 
عدلت روحي واتصلت على روان ..

ايسار :( روان اني بباب المستشفى اجيت ونسيت فلوسي بالبيت عفية 
تعالي الحكيلي 

روان :( جايتج هسة 

ايسار :( فلوسك هسة تجيك 
واحمد ربك واشكرة وضعي ما يسمحلي اربيك واعلمك شلون تحجي وي الناس بأحترام 

طلعت روان تركض انطته فلوسة ..

واني دخلت ..
ادور مثل الخبلة وعبالك اول مرة ادخل لهاي المستشفى ..

روان :( مو هنا تعالي 
اخذتني لمكانهم 
جان علي واكف وحمزة وتلث ولد ما اعرفهم اول مرة اشوفهم 

ايسار :( علي 
وينه 

انصدم علي من شافني وكلهم التفتوا عليا ..

علي :( ايسار شجابج 

ايسار :( وينه احجي شصار وياه 
صدك وضعة خطر 
احجي

تقدم بتجاهي بدون لا يحجي ..

ايسار :( احجي ليش ساكت 
وينه غياث 

علي :( ايسار منا العالم 
شلون طالعة هشكل 

ايسار :( يا عالم غياث وين دا اكلك 

طلع الدكتور من غرفة العمليات 
ركضت علية قبلهم ..

ايسار :( شبي غياث 

:( وضعة حرج غير الضربة اللي براسة اكو طلقة قريبة من قلبة العملية بعدها مستمرة 
اذا تحمل جسم المريض اكو امل يعيش 
واذا لا