مَــلاذ قـلبي المُرعب

البارت الثالث عشر
_______________________

شضال مِن عدهُم
بچَفي وهيجِ بارِد ؟
شعافَو بِراسـي ،
ولحَد هَل يَـوم شارِد .

__________________________

...

صحت لمريم تجي توديله الجاي طلعت رايحه تشتري ..

أخذته عبالي گاعد بالصاله مموجود ..

ام مصعب :( صعد لغرفته يمه

سناء :( ها اي

بقيت مستحيه منه أخذته وصعدت دخلت للغرفه ما موجود خليته يم راسه دا اطلع هوه دخل ..

سناء :( جايك

مصعب :( راح اطلع ما أريده

رجعت أخذته وهم ردت اطلع ..

مصعب :( هم تخابرين ايسار شلونه

سناء :( لا ممخابرته بس هنادي تخابره تگول زينه ليش

مصعب :( هيج اسئل طبگي الباب وراج

طلعت و طبگت الباب وراي يحجي بطرف خشمه شدعوه متگلي شدعوه ..

رجعت الجاي و بقيت يم ام مصعب لمن طلع صعدنه فوك ..

هيج مرت ايامي بهدوء ماكو شي جديد ..

اجه اليوم السابع و ام مصعب عزمت اهلي يمنه فد فرحت كلش مشتاقتلكم و مشتاقه اشوف البنات ..

طبخ و تنظيف و هوسه نركض اني وأم مصعب من الصبح ..

قبل الأذان بربع ساعه صعدت سبحت و بدلت و مريم هم بدلتله وصلينه اله اجو ..

طلعت سلمت عليهم و مو گلهم جاين بس جدي و ابوي و بيبتي و امي و سهى ..

ام هناء :( هلا يمه شلونج

سناء :( بخير انتِ شلونج تعاي هنا تفضلي

سهى :( عمي يريدج روحيله

دخلتهن ورحت للدوانيه ..

ابو عاصم :( هلا بويه كل الهلا

بوسته وبقه حاضني وجدي همين ..

صالح :( لا لا مترهيه وجه متفح

ابتسمت بعده دخل مصعب اني طلعت ..

سناء :( لج سهى تعاي يمي

سهى :( خاف مصعب يجي

سناء :( ميجي تعاي يمي بالمطبخ مريم روحي شوفي بيبي شتريد

مريم :( تمام

جبت سهى گعدته يمي و استفسر منه ..

سناء :( اي احجي شلونكم

سهى :( الحمدلله عايشين

سناء :( ايسار شلونه غياث شلونه وياه