مَــلاذ قـلبي المُرعب

البارت الخامس
_______________________

وَين الڪاك وآبچيلك شڪو بعيني ؟
وَين آتلمّس چفوفك وآحطهِن بيدَك سنيني ؟
والمّك من على الدنيا
وآڪلك روحِي تحلالك
يـ خآيب صِدك مآأخطر ببالك ؟.
___________________________

غياث :( هوه اخذ جزاته بقيتي انتِ

ايسار :( ممم مماا سوويت ششي

غياث :( سويتي هواي ديري بالج

يهمس بفحيح مثل الحيه و الطريق جان مابي اناره و مغرب يا دوب ضوه من اضويت المستشفى اريد اركض رجليه ما تعيني كوه ركضتلي خطوه و تعثرت بالكاع و وكعت ع وجهي احس الدنيا افترت بيه ..

لتفتت لنفس المكان الي جنت بي ملكيت احد ..

كمت كوه انفض بملابسي و عيوني مغوشه مدري دموع مدري دوخه ..

رجعت يم باب المستشفى و جان الحارس كاعد ع كرسيه و سلاحه بيده ..

ابو دانيه :( ها عمي خيرج

ايسار :( وكعت عمو ماكو تكسي توديني لهلي

ابو دانيه :( بسلا خرعج عتوي بهل المغرب تعاي شربي ماي

كعدت بمكانه وراح جابلي مي و اجه يركض ..

ابو دانيه :( هسه اشوفلج تكسي كعدي هنا

وراح و كعدت انفض بملابسي و اتلفت لحد ما اجه يركض وراه السياره ..

ابو دانيه :( يلا بويه كومي

تشكرت منه و صعدت و ما قبل اني ادفع الگروه اله هوه دفعها ..

وصلني للبيت و وي دخلتي دخل ابو مصعب ..

ابو مصعب :( ها بويه اليوم متأخره

ايسار :( شغل هواي و تأخرنه

ابو مصعب :( يلا روحي رتاحي واضح عليج التعب و اكيد ما ماكله شي من الصبح لسه

ايسار :( يلا باي

دخلت و تلكتني ام مصعب و نفس كلام عمي ..

سبحت و صليت و كعدت وياهم ع العشه ..

ام مصعب :( اليوم مصعب ما اجه ابد

ابو مصعب :( بالشغل خابرته كال اتأخر وحته يمكن يبات

ام مصعب :( تعال انت هنا لعد يمنه

ايسار :( ماكو داعي عمه رجعي للبيت ما عليه شي

ام مصعب :( ما عليج شي شنو ولج الصبح اجتي هاي جارتنه اليوم يكلج طافرين ع بيت بتها و بايكين غراضه و ذهبها ربك ستر البت طالعه من البيت

ايسار :( مو انتو يمي هنا

ام مصعب :( يحطج و يكتلج وين نلحك عليج

ابو مصعب :( والله اني اكول يا عمي تجين يمنه و تقفلين هذا البيت احسن

ايسار :( شنو هذا الحجي عمي شلون اعوف بيت ابويه وريحته بي ما اطلع من هل البيت اله جنازه