مَــلاذ قـلبي المُرعب

البارت الثامن عشر
__________________________

ذبلت شموع الـ بروحي وليلي ورّد
ورغم كل هاي المعارف
جاي احس بروحي محد
آنه ياهو ؟
وآنه وين ؟
وهالسنين منين اجتني ؟
وياهو حط ثگل السما كله على متني؟

___________________________

غياث :( مخلص مخلص

ايسار :( ها اي يلا اسويلك ريوگ

غياث :( جؤ ما اريد رجعي نامي بعد وگت

لتفتت للساعه بثمانيه بعد وكت واذا انزل بعد ما يهدوني ما جذبت خبر ..

طفيت الاضويه و سديت البرده كلش ضلمته ورحت لمكاني الي من راح غياث لليوم ما واصلتله ..

غياث :( اريد ماي

ايسار :( اي هسه

رحت نطيته مي وهم رجعت ..

غياث :( اكول

ايسار :( ها

غياث :( سمعت جنتي بالمستشفى خير

غمضت عيني كل قوتي و تذكرت ذاك اليوم شجاوبه هسه ؟

غياث :( ويامن احجي

ايسار :( ها اي صار شي

غياث :( اي شنو هذا الشي

ايسار :( اني جنت ،، بعدين اگلك نعسانه اريد انام

غياث :( لو ما نايمه هنا و شفتج تعبانه ما اعديه الج

نمت واني الف حسبه ببالي ..

____

گعدت فايت وگت وحته اذان الظهر مأذن اباع عليه نايم هم ..

اخذت ملابس رحت بدلت ولفيت شالي ونزلت ..

گاعدين بالصاله منتظرين الغده واسمع رگع الگدوره ..

حنين :( هلا بالعروس هلا صدك سويتيه خو وما شوفتينه وجهج

ايسار :( لج اخذتني نومه والله

سهى :( معليج بيه غياث گاعد انطيكم الغده تصعدون فوك

ايسار :( ما اعرف اروح اشوفه يگدر ينزل

حنين :( امداج اخذي اگل و اصعدي حته ما احد يگلج غسلي مواعين اظل اعلمج

ايسار :( ها

سهى :( حتموتينه عاد

رحاب :( حضرتلكم غداكم وحدكم

ايسار :( حبيبي تسلمين

رحاب :( انتِ شلون صرتي

ايسار :( احسن

رحاب :( ان شاء الله

زهره :( ماكو داعي وحدهم ياگلون منزلينه الولد جوه

ايسار :( بعد افضل مابيه حيل اصعد اكل و انزل يلا بنات جنت اريد اساعدكم بس لازم اشوف رجلي خاف محتاج شي