مَــلاذ قـلبي المُرعب

3

لا تشرحلي بس گلي
هوة التوجعة عيونك
عليهن يا دوة يخلي ؟
الـ باول دعائة تكون
شلون بدونك يصلي ؟
__________________________________

نسحب رياض من كدامي بطريقة سريعة واحس مابية ارفع عيني و اشوف منو و شدا يصير ..

سمعت صوت ضربة قوية رفعت راسي بسرعة ..
جان علي مخلي رياض ع الميز وصاير فوكة وخانكة من ركبتة ..

منظر مرعب اول مرة اشوف علي بهيج موقف وهيج عصبية ..

علي :( عيد الكلتة 
يحجي وصاك ع سنونة ..

:( تعال اهده وخلي نسولف بهدوء فاهم الموضوع غلط 

جان اكو ممرض ويانة واكف بالباب دخل وطبك الباب ..
راح بوجهه جتف المدير وبقى لازمة ..

:( شدا تسوووي ولككك نززل ايدددددك 

حمزة :( اششش

ما اعرف شنو اتصرف و شنو لازم اسوي احس متقيدة وجسمي ما يعيني اتحرك ..

علي :( حمزززة طلعهااااا

رياض :( مشبعتكم كلكم هاي الك*****
ضربة بوكس الدم ظل يطفر من حلكة ..

علي :( اني اليوم اشبعهم بيك يا ك*** يا ناقص 

كومة من مكانة لطشة بالكاع ..
علي :( طلعي ايسار 

رجع شالة من الكاع وهذا دايخ ..

علي :( راس منو تدوس بالقندرة ولك ك***** 
ورجع ضربة بوكس وكعه بالكاع ..

حسيت ع احد خلة ايده ع جتفي فزيت وعطت بصوت عالي لتفت علي عليه ..
علي :( انيييييييي مو كلت طلعهااااا 

حمزة :( تعاي وياي دكتورة 

ايسار :( علي علي لسويلة شي فدووة عوفة خلي يولي 

علي :( روححي ايسااااااار طلعي 

عصبيتة مرعبة سحبني حمزة بره الغرفة واشر لواحد جان واكف بره يدخله ..

حمزة :( امشي وياي 

ايسار :( وين اروح عفية ليسويله شي 

حمزة :( بس امشي وياي دا يتفاهمون شباب بينهم 

دفعت ايده عني وركزت بشكلة زين ..

ايسار :( انت وياااهم 

حمزة :( ويامن ؟

ايسار :( ويااااهم انتتت 

حمزة :( منو همة ؟

ايسار :( غياااااااث غياااث وجماعتة طبعا طبعاااا شلووون ما فهمممت اني شلوووون 

حمزة :( شبيج اختي تعاي اكعدي 

كعدت ع واحد من الكراسي وظل واكف فوك راسي ..

حمزة :( اذا تحبين اوصلج للبيت 

ايسار :( منو انت حتى توصلني للبيت منووو