مَــلاذ قـلبي المُرعب

والله حيرة
خوفي يمنعني احبك
بس اذا ماشوف
شباچك گبالي اختنگ
ودي اگلك انا احبك
ودي اذوبن حد ضياعي
بس اخاف عليك مني
ودي اضمك وين ما بيه دفو
لكن المانعني عنك
انت اترف من الفراشة
وگلبي نار ، خاف
افُكلك باب گلبي وتحترك
______________________________

امير :( عليش هل الدموع

هنادي :( ما اعرف

امير :( دمسحيه مسحيه

مسحتهم ونسدت السالفه بس ابد ما راحت من بالي ..

منو الي مخلي هذا الجرح بداخله .. و شلون كدر يضمه كل هاي الفتره بدون ما يبين لاحد ..

الصبح كعدت و لـ اول مره اگعد و الگه امير نايم كلت خليه يمكن تعبان ..

نزلت صبحت ع عمتي ولزمنه الشغل اني رانيه ..

ورا ما كملت صعدت للغرفه انظفه ..

هنادي :( امير يلا حبيبي گوم اليوم شكو لسه نايم

لميت البرده وشلت الغطه عنه جرني وكعني بحضنه ..

هنادي :( صباحك اني

امير :( اوف احلا صباح

هنادي :( شلون صرت

امير :( نمت بحضنج وانتِ قيسي

هنادي :( اسويلك ريوك

امير :( اتريك بيج عادي ؟

هنادي :( لا مو عادي كوم يلا

امير :( وليش بالله مو عادي

هنادي :( مو زين عليك حلا من الصبح

امير :( اخخخ بويه الثقه

هنادي :( لا جديات يلا كوم

كمت وجريته دخل للحمام ،، كملت تنظيف الغرفه وطلع من الحمام ينشف بشعره ..

رحت عليه حاوطت رگبته بايدي ..

هنادي :( نعيماً حبيبي

باسني بوسه خفيفه من شفايفي وجرني عليه اكثر ..

____________________

في مكان اخر ...

عفتهم برا ودخلت ،، طلعت الملابس كُله ورجعت صفيتهم من جديد وحده وحده ..

احس بطني سجاجين تتكطع و مو اول مره صار فتره بس مغلسه و اذا كلش اذا بندول ..

وترجع تجي لويات و تروح ..

سمعت صوت الباب نطبك قوي وعياط فزيت وطلعت اشوف منو ..

و اشوفلكم عمي ابو مصعب يريد يهد ع غياث و كوه مصعب لازمه ..

ابو مصعب :( بيا عين جاي هنا

غياث :( اجيت اخذ مرتي

ابو مصعب :( ما الك مره يمنه