مَــلاذ قـلبي المُرعب

2

تعال ويـ الفرح باچر
مر ويـ النسيم تراب 
 حتى ادريّك
اجيت عتاب آشرعلك شبابيچي
وأشهكك شهكة الغركان
ومناطر ، حنيّت المرايا بدمعة مناطر
ومدري شبيّة أسولف بيك للحيطان
وذكرّك يجمّع الضدّين
انتَ الكاسر الجابر
_______________________________

ثاني يوم صادف عطلتي بقيت بالبيت واصلاً كعدنة بوقت متأخر ..

ايسار :( كومي يلا كافي نوم 

هنادي :( شكو كاعدة لا شغلة ولا عملة وخري مني

ايسار :( خلي نسوي غدة جوعانة 

هنادي :( وانتِ شبيج يُمة صغيرونة متسوين لروحج 

ايسار :( بكيفج ظلي رايحة اني 

كامت من مكانها غضبانه ..

هنادي :( وين تولين 

ايسار :( اذا متسويلي غدة اروح لبيت عمي 

ركضت وراي تريد تضربني ..

هنادي :( كاتلج الغدة لو كاتليج بيت غياااث الوحش المتردي الي تكرهي 

ايسار :( نجبي 

هنادي :( تعاي هنا لو بيج خير

ايسار :( اكو وحدة تعاشرج ويصير بيها خير ؟؟

هنادي :( تعاااي اكككككلج

ايسار :( ومرض لتصيحين منا العالم 

هنادي :( بنعال انتِ و العالم 

ايسار :( اهوو كافي كعدي مالي خلك 

وكفت بمكاني عبالي تشاقة متضربني شو هاي لزمت النعال وضربتني ع راسي ..

ايسار :( ولج اخ ليش الله يطيح حظج 

هنادي :( ولي يلا حرجع انام
عافتني ورجعت للغرفة ..

ايسار :( شبيج اليوم مجلوبة 

هنادي :( روحي منا 

عفتها ورحت غسلت و سويت الغدة ..
علما اذن رحت اصلي لكيتها كاعدة ..

ايسار :( كومي صلي 

هنادي :( شسويتي 

ايسار :( دجاج 

هنادي :( اريد ثريد 

ايسار :( اي اكو تشريبة 

هنادي :( خوش 

كملت صلاتي وانتظرتها تكمل صبيت الغدة كعدنة ناكل سوية ..

هنادي :( طيبة من زمان ممامكلتها 

ايسار :( تزوحري لعد 

هنادي :( شوكت تستلمين الراتب اريد اطلع 

ايسار :( و الراتب انطي الج 

هنادي :( اي 

ايسار :( اكلي ثريد ونجبي