مَــلاذ قـلبي المُرعب

6

أربع مواسم عشت
بيها الأحبك صدك
وبيها الڪلب محترك
أيام چانت حرب
بيها الاحساس القوي
وبيها الدرب مفترك
ويمڪن چنت مشتبه
مدري انت طبعك حرك
وبنارك أتجوه
مدري المحنه ذنب
تبعد واضل مختنك
بفراڪك اتلوه
مڪسور منك عشت
تڪسر واجبر الڪسر
وبجرحك اتڪوه
من چنت تغلط قبل
طايح تشوفه الغلط
رغم انته تجرحني
سويتني شڪد قوي
اتخيل آعيشه المرض
حتىٰ انتَ تلزمني ..
_______________________________________

ايسار :( شنو تسوي ؟
تضربني ؟
ما اريد ابقى ليش ابقى يمك 

غياث :( راح ترجعيلي نادمة 

ايسار :( لو اموت وانت سبيل نجاتي مراح ارجع عليك 

انطاني نظراتة الباردة والقاسية نفس كل مرة بدون كلام ..

اتصلت ع ناصر واني ما اندل المكان ..
بعمري ما تخيلت بيوم اتصل بشخص يجي ياخذني  من غياث وهو  واكف كدامي بدون ليسوي شي ..

ناصر :( سوالج شي ؟

ايسار :( تعال اخذني 

ناصر :( وين انتِ

ايسار :( ما ادري 

ناصر :( شلون اجيج اروح لـ ام الخيرة 

ايسار :( وين احنه 

ناصر :( شمدريني اني 

ايسار :( مو وياك 
احجي وين احنة 

غياث :( جيبي

سحب الجهاز مني واخذه انطا العنوان وشمر الجهاز ..

ايسار :( ليش تشمرة 
مشتريته بفلوسي 

انطاني نفس نظراتة بدون ليرد ..

ايسار :( من شوكت متزوج 

غياث :( ما يخصج

ايسار :( عندك منها جهال ؟
ههه طبعا هو انت ليش عفتني لان ما اخلف 

غياث :( لا تمسلتين 

ايسار:( تعرفها من جنت وياي مو 

غياث :( كافي 

ايسار :( من هذا ما صدكت كتلك عوفني طرت 

غياث :( حيوان انتِ ؟
لو اله تنهانين ما تحبين شخص يعاملج مثل البشر ؟

ايسار :( لو ميت ولا راجع هواي احسن

خله رجل ع رجل ويباع ع شاشة صغيرة معلكة بالحايط ..

وجهت نظري الها ..جانت كاميرات داير مداير المكان اللي احنة بي ..

ربع ساعة وصل ناصر واتصل علية ..
وكفت اريد اطلع هو وكف وياي ..

طلعت وهو يمشي وراي .. شكد جانت المسافة طويلة من هذا البيت للباب الرئيسي ابد ما حسيت بيها لمن اجيت ..

وصلنة للباب وجان واكف وراي ..

غياث :( راح ترحين هسة بأرادتج 
وترجعين مثل الجلب تتوسلين بأرادتج