مَــلاذ قـلبي المُرعب

البارت السادس عشر
___________________________

امس
شفتك حنين مـعلگ اعلى البوب
شفتك تختل بعمري ذنب ، مايدري وين يتوب
هلبت بالدرب وألگة الوطن صدفة
ويلمنه التعب والخوف والرجفة
ونتشابگ وابوس خشونته الترفة
ويدليني على عيوني خذاهن ياحزن مني
ويعيشني السنين الضامهن عني
ونمشي ثنينه تايه لگة تايه
واضل ابچيلة ويغني
واگلة الغربة ماتعرف تلم عاشگ
ولوما انت ما ننجبر ونفارگ
انت اول وطن مبيوگ فاتح حضنه للبايگ
واگله اغفة اعلى چفي ، وخل الوليك
تطيح انت ونعاوي امي تجي تشيلك
معلمنه النهار نموتلك ، بالليل نبچيلك

______________________________

...

اسبوع و اكثر هوه ماكو و البيت كليته مخبوص بس اني مرتاحه و مترهيه كلش ..

انام اكعد براحتي وما متقيده ..

حيدر وعلي همه اقرب ثنين اله وجانو حيل قلقين و الشيخ نفس وضعهم ما يخلتف ..

الشيخه تكول هوه جان دوم يغيب عن البيت اشهر مو بس اسبوع .. بس هلمره محد يعرف وين ..

تجيني ساعات احس بالذنب لانو فرحانه بغيبته و اهله خايفين عليه و ارجع و اكول بيني وبين نفسي هوه وحش لازم نخاف ع الناس منه مو عليه ..

كاعده بالمطبخ بعد ما تلاسنه اني وريم واجت حنين تركض ..

حنين :( ولجج تعززينه ايسارر تعززينه

ايسار :( شكو شبيج ولج

حنين :( لكوو سيارتتته لكووه مسوي حاادث

ايسار :( مممنو ووين

حنين :( غيياث عزا بعيني شلون بينه

ما انكر خفت وحيلي كله ظل يرجف ..

حنين جانت اكثر وحده خايفه عليه ولا عبالك هيه نفسه الي تداحره و تحجي عليه يوميه ..

كبت عيطت النسوان خو ام عاصم وكعت و شالوه ..

علي طلع مابقه بالبيت طلع يركض و سيف يفتر و مدري شنو ينتظر ..

صافنه عليهم ونظري يتنقل بينهم ..

ميت عدل ما ادري ..

جتي رساله لسيف و گمز من مكانه راد يطلع بس الشيخ ما خلاه ..

صالح :( اگعد شوفني اخوك شماله وين هسه

سيف :( شيخ خلي اطلع هسه والله كريم

صالح :( اگعد اگلك شني انه زعصوط وتضم عليه لو تشرد

گعد يم الشيخ وشغل مقطع ما تحملت ابقه بمكاني رحت صرت وراهم واباع للمقطع ..