مَــلاذ قـلبي المُرعب

البارت الخامس عشر
________________________

مازلتَ تبحثُ في دروب وصالنا؟
أتظنُ بالوعد الڪذوب أسرتني
لاتبتغي عطفًا بظلِ سحابتي
ڪلا ولو عاد الحنينُ وجئتني
أو تحسبنَ الشوق بات مُعذبي
لا والذي أغراك حين هجرتني
غيري علىٰ ڪف الوصال حملتهُ
وأنا الوفي الحرُّ غدرًا خنتني
فأرحل ودعني أستعيدُ ملامحي
ودع الزمانَ يريك ڪيف أضعتني ..

_________________________

..

بقيت نايمه بعده ما تحركت وثاني يوم من الصبح هنادي و زوجه رجعو لبيتهم ..

بقينه بس اني و هوه و استمرت الايام هشكل ..

تجيني ايام ما انام من الخوف ..

عصبيته و غضبه ياگلون الأخضر و اليابس فجأه هشكل يتحول إلى گتلت نار محد ميكدر يوصل يمه ..

ابجي لانو ابقه لاحول ولا قوة ولا اكو احد استنجد بي ايست من كل المحاولات وياه صرت عاجزه ..

وتجي ايام يصير بارد لدرجه تگول هذا مو نفسه غياث يحجي قليل و من يحجي اغلب كلامه مو مفهوم لو گاعد بالغرفه ..

يطلع من الصبح ويرجع العصر مرات يطلع و مرات يبقه ...

وبكل هذا اني وحدي لا اشوف احد ولا احد يشوفني ما عدا اكثر من مره علي يجي يمنه و بصراحه يغرلي جوه لانو يشاقه ويضحك ومثل الي تعودت عليه مو مثل اول مره شفته ..

هواي كلش هواي اذكر اهلي اذكر بابا و ايامي وياه قبل حته نص الليل و افز اون من وجعي و جع گلبي و اشگيله لو غياث يتخبل عليه ..

هيج مرت الايام و الاشهر ...

________________________

گاعدين باليل علي وغياث بالصاله واني بالمطبخ گالعاده ..

دگ جهاز غياث و ما اعرف شنو الفلم وليش هيج نخبص وصار يرعد ..

غياث :( اني رايح تبقه انت هنا ما تروح لمن ارجع خووشش

علي :( اي وين رايح غير افهم شكو منو خابر مو رقم أمير هذا

غياث :( سوي الي گتلك عليه وبس يلا  رايح اني واذا كلش تأخرت ابقه هنا ما أوصيك بعد

علي :( عمي شني گول يالله خلي اجي وياك اصخم وجهي اشوف شني وين عايفني

اجه مر من يمي وطلع وعلي هم ورا طلع ..

بقيت نفس مكاني گاعده انوب رجع علي گعد بالصاله و بأيده أوراق مدري شنو ..

علي :( اذا تردين افوت للغرفه وأخذي راحتج ع التلفزيون

ايسار :( لا عادي تريد جاي ؟

علي :( اي اكون ممنونج راسي صدع

رحت سويتله الجاي ونطيتيها ودا ادخل للغرفه ..