مَــلاذ قـلبي المُرعب

رسايل مآغفت عيني
ڪتبني الشوگ وآنذبيت يم بابك
إخذ مني شڪو بعمري وخليني
بصلاة الخوف محرابك ..
________________________

كعدت الدنيا مغرب ام مصعب جانت فارشه سجادته بالصاله ما حجيت شي رحت توضيت رجعت دخلت للغرفه صليت ..

اجت كعدت يمي بدون ما تحجي شي واني هم لفيت سجادتي وكعدت بالكاع ..

ام مصعب :( امشي وياي تعشي

ايسار :( ما اشتهي

ام مصعب :( مو زين عليج وانتِ حيل ضعفانه لازم تاكلين

ايسار :( برأئيج الاكل هوه الحل ؟

ام مصعب :( ميخالف كومي

نطتني ايده كمت وياه دا نطلع فاتت هنادي هديت ايد ام مصعب وركضت لحضنه حضنته كل قوتي ..

هنادي :( بعد حيلي

عافتنه ام مصعب وطلعت وبقينه بس احنه ..

هنادي :( كعدي دا اشوفج كعدي

كعدنه وهيه ذبت شاله وتربعت وكابلتني ..

هنادي :( احجي وين اني غاطه كوه خليت حماي يجيبني شبيج وجهج اصفر تردين تموتين

ايسار :( شحجيلج منين ابدي

هنادي :( من سبب وجودج هنا

ايسار :( كعدت الصبح ..

وحجيتله كلشي لحد ما اجيت لهنا ..

هنادي :( ايا كح*** ولج و سكتي الهن ؟ وهاي عجوز النار شبيها من تالي

ايسار :( ما ادري ما ادري تعبت انتهيت هنادي

هنادي :(احطهن و ادوس ببطن و بطن ازلامهن لو ما هنه هيج ما لفقنه الله وكيلج جومة كح*** ما الهن رداد غياث وين من هذا كله

ايسار :( ما ادري

هنادي :( خابر امير يشحرج عبالي هوه مسويلج شي

ايسار :( هوه مموجود اصلا لو موجود مصار كل هذا

هنادي :( ومصعب مودي سناء اذا كالج تطلكين شلون

ايسار :( ها

هنادي :( ها ؟ يعني مو اي

ايسار :( يعني شلون اطلكه

هنادي :( عندي تنفصلين عنه يعني بعد ماكو غياث بح

ايسار :( هوه ميسويه

هنادي :( بس مصعب يسويه

ايسار :( وبعد ماكو غياث

هنادي :( اي عيني ماكو بعد راح و ايست منه غرك بالماي

ايسار :( تعبت ما اريد افكر حبقه بعيدنه عن كُلشي

هنادي :( تردين اكمل الي بقنه ناقص ؟ اكوملج هسه ؟ افتهمي هاي حياتج تردينه كولي اريده احبه بس اهله ما اكدر اكمل وياهم خلي ياخذج ويكعدج ببيت وحدج