مَــلاذ قـلبي المُرعب

وتقربتّلك وإنتهت
كل القساوة العندي
من تبتسم أنسى الحچي
وما اعرف منين أبدي ،
حبيتك بگد ما چنت
خايف أظل لوحدي .

______________________

صف غياث السياره وقبل لا ننزل طلعت العبايه من الجنطه ..

ايسار :( اول شي لـ ام بنين

غياث :( نزلي

رحنه دكينه الباب عليهم طلع ابنه سلم ع غياث بعدين طلعت هيه ..

ام بنين :( يمه هلا و مية هلا تفضلو

بوسته وحضنتني وغياث سلم عليه نطيته العبايه ..

ام بنين :( يا يمه صدك تحجين شني هاي

ايسار :( شي بسيط مقابل الي سويتي اليه و اسفه عباتج ظلت ببيت ابويه و نسيته

ام بنين :( والله ماكو داعي يا حبيبه فدوه الج

ايسار :( فدوه لگلبج خاله

ام بنين :( يحرسكم علي من كل مكروه دير بالك عليه يمه تراه ترفه ما تحمل اذيه

طلعنه بعد ما غياث تشكر من الولد ورحنه للبيت ..

فتح الباب و دخلنه صارت بوجهنه زهره ..

الوجه اللوان ما يتفسر و تنزف دم من كل مكان شكله جان يخوف .. ومحمد يسحل بيه دا يطلعه من البيت ..

ختلت ورا غياث ومجلبه بايده وهوه ولا عبالك ما زحم نفسه ينزل نظاراته ويتفاهم وياهم اكتفه بوگفته ..

صوت من جوه هم يعياط ما فهمت شنو ..

جرني غياث من ورا خلاني بصفه وما احس اله محمد شامر زهره يم رجلينه ..

ما عرفت شنو اسوي ومن الخوف اجه يغمه عليه ..

غياث دخل ايده بجيوبه وبقه رافع راسه حته من دنك يشوفه ..

تحسه جثه مكومه يم رجليه كوه ترفع راسه و ترجع تنزله ..

رجع هجم عليها محمد جره من شعره ورفع راسه ليفوك ..

محمد :( اعتذري منهاا

ايسار :( لا عفيه مو هشكل

ضربه ع راسه بشكل قوي والله اني من يمي روحي راحت ..

زهره :( اسفه والله اسفه اسفه

سحله كومه وفتح باب الشارع وطلعو ..

ايسار :( غيااث سووي شي حيكتله عفيه الحكه

غياث :( يلا فوتي

ايسار :( وزهره

جرني من زندي عليه بقوه احس متني نخلع ..

غياث :( ما توبين

ايسار :( شسوين هددني اذيتني

نزل ايده عني دخلنه تلكتنه سناء سلمت عليه وبقت حاضنتني ..