مَــلاذ قـلبي المُرعب

1

بعدني اشتاگلك بعده العشگ بية 
البعد ما ينوصف شوف اشعمل بية 
بأحلامي اشوفك ما الاگيگ
فراگك گلي شنهو شلون تاليه 
بعدني اشتاك اشوفك 
واسمع كُل حروفك 
حياتي بلايا معنى بلا جفوفك 
حالف لو الاگيگ
بمكان عيوني اخليك 
واذا مو عيني بالروح انا اخليك 
_________________________________________

هنادي :( طالعة ؟

ايسار :( متأخرة حتى عمليتي ع الساعة تسعة المفروض اني هناكة من الثمانية 

هنادي :( تكسي نفس كل مرة 

ايسار :( لا حسام بالباب تردين ترحين لمكان يوصلج وياية ؟

هنادي :( لا وين اروح قابل 

نصيت عليها بستها ..

ايسار :( كُلشي يصير بي خير الج لتضوجين 

هنادي :( تمام 

ايسار :( تغدي واذا تردين روحي يم اهلج لان ممكن اتأخر 

هنادي :( ما عندي شي روحي ليظل بالج 

ايسار :( يلا باي 

هنادي :( ديري بالج ع نفسج ايسارنة 

ابتسمتلها نفس كل مرة وطلعت ..

حسام جان الخط مالتي ومو دائماً يجي مصعب خلاه ع معرفتة واني ما احب اتقيد .. يوكف ع الشارع واني اتمشى هاي المسافة القصيرة ..

حسام :( صباح خير دكتورة 

ابتسمت لكلمة دكتورة ورديت علية ..

ايسار :( صباح النور 

نطلقت للمستشفى نفس كل يوم باشرت بالعملية وطلعت منها الوضع طبيعي ..

بنفس المستشفى اللي جنت بيها ممرضة او ( سستر ) نفس ميكولون .. هواي اكو ناس حاقدة لسبب مجهول .. 

معقولة اكو ناس تحقد ع ناس بس لان تشوفهم دا يطورون من نفسهم ! 
ويصيرون احسن منهم ؟

دا امشي بالممر طلع بوجهي دكتور رياض ..

رياض :( انتِ كايلتهلم يطلعون المريض من العناية ؟؟؟

ايسار :( لتعلي صوتك 

رياض :( شوفي لجج تره

قبل ليكمل كلامة رفعت ايدي بوجه ..

ايسار :( رجاءاً توي طالعة من عملية صعبة مالي خلك اسمع كلام بذيء من شخص يسمي روحه دكتور وميملك اي صلة بالطب وثقافتة 

رياض :( لججججج بس خبرتي بالطب اطول من عمرج انتِ وي منو تحجين هشككككل

ايسار :( من رخصتك 

عديتة ومشيت بكل برود .. جان يوم من الايام الدكتور الي جنت جوه ايدة ما انكر السنين اللي اله بهذا المجال بس هذا الواقع ..