مَــلاذ قـلبي المُرعب

يوم الي رحت مني
انخطف لوني
طلع دخان من گلبي وعمه عيوني ..

_____________________

ما رد ع تلفونه واخذ بايدي ...

مصعب :( امشي يلا

صدك طلعنه ومصعب تشكر منهم و الحجه جلبت بينه ع العشه بس ما كدرنه نبقه

طلعه بالباب اباع ع باب بيتهم مفتوح ع حيله .. مصعب رفض اباع او انتظر بماشرة فتح باب السياره وكال صعدي ..

بعدني توني توجهن دا اصعد اجانه صوت من ورانه ..

علي :( مصعب

لتفت مصعب ونار تطلع من عيونه ..

مصعب :( صعدي

علي :( انتظرني خويه

اجه بتجاهنه يركض لزم مصعب من ايده ويباع عليه ..

علي :( مستحيل تروح وخاصه بعد الصار

مصعب :( علي ساكت وصابر لخاطر الخوه البينه روح لبيتك وبعد ما الكم مره يمنه و اختكم باجر من الصبح يمكم

علي :( هيي لا تمضرط اختنه شنو انت غير تفتهم السالفه

مصعب :( ماكو حجي نزل ايدك

شيخ صالح :( مصعب

جان لابس عكاله و البشت ماله اجه يمشي بتجاهنه وعينه عليه ..

شيخ صالح :( بويه فوتو وين تريد بالهل المغربيه

مصعب :( السموحه منك شيخ بس بيتكم ما النه فوته اله بعد

شيخ صالح :( حقك عليه بويه و الصار ما تسوي ناس اجاويد وهذا عكالي اذا ما تفوتوت بعد ما البسه

مصعب :( والله يا شيخ انت و النعم منك بس اسئلك بالله لو فد يوم سناء خابرت تبجي و تكول طكوني وتجي تريد تشوفها تلكهاه مو بس مطكوكه مشموره بالشارع و العالم ساترته شنو ردك ع هاي تبقله ع بناتك اذا تقبله هسه ارده

شيخ صالح :( محد يقبله ب...

قبل ما يكمل كلامه قاطعه مصعب

مصعب :( هذا هوه

رجع فتحلي باب السياره صعدت و هوه هم رفع ايده يسلم عليهم ورجع صعد وانطلقنه ..

بداخلي شي دا يحترك .. يعني بعد ما اشوف غياث .. معقوله هاي نهايتنه ..

مصعب :( انزل اجيبلج ملابس جديده تبدلين حته نروح نتعشه

جنت دا ابجي ودايره وجهي عنه حته لا يشوفني ..

مصعب :( كافي بجي شو باوعي عليه

ايسار :( والله مسويت شي همه افتهمو خطا

مصعب :( اششش كافي انسهم هسه

وصلنه لمحل كال انزلي نزلت جانت بيه بنيه .. اخذلي ملابس دخلت لغرفة التبديل لبستهم ولفيت حجابي عدل ورجعت العبايه و الملابس القديمه للعلاكه دفع الحساب و رجعنه ...