مَــلاذ قـلبي المُرعب

وآنه آعذرك چيف مآتعرف غلاتك
آنته باب الريه ما معقولة آسدك
آنته آخر نفس بيه شلون آهدك
ياحبيبي البارحة ساعي البريد
تنڪريته وچيت آسعدك
چيت چايبلك مراسيلي اليفرحن
تالي آرد من دون ردك ..

__________________________

غياث  :( ما نايم ،، تعبتي

ايسار :( ايي

غياث :( تمشين شويه

ايسار :( خاف نضيع

غياث :( ع اساس هسه احنه ع بر الامان

ايسار :( واذا بعد ملكيناهم

غياث :( نرجع لبيتنه

ايسار :( وشلون نندل

غياث :( هاي خليه عليه لا تتعبين دماغج اخاف عليه يتضرر

ايسار :( ها

غياث :( نامي نامي احسن

ايسار :( واذا نمت وكعدت محد يمي

غياث :( عفتج قبل ؟

ايسار :( لا

غياث :( نامي

ايسار :( واذا اجو الحراميه ورانه مره لخ

غياث :( نتفاهم وياهم بشكل طبيعي

ايسار :( بس قبل شويه طلعت سلاحك يعني تكتلهم

غياث :( واذا اذوكم طبعاً اكتلهم

ايسار :( مو حرام

غياث :( و انتِ شمعرفج بالحرام

ايسار :( شلون شمعرفني لعد الله يقبل تقتل نفس هوه خالقه

غياث :( زين الله يقبل لمن القانون يحكم ع شخص بالاعدام يعني هذا هم موت واحنه الي كاتلينه يقبل عليه بتعتبار هاي نفس هوه خالقه

ايسار :( هذا قانون يختلف

غياث :( القانون الله نزله علينه ؟

ايسار :( غياااث

غياث :( انطيني اجابه لا تصيحين

ايسار :( كلامك مو صح و مو مبرر و بعدين انت متخاف من الحوبه

غياث :( خلي تصيبني كلش مستعد

ايسار :( متصيبك الك شخصياً تضربك بشي يخليك تموت وانت عدل

غياث :( امممممم

بعده سكتنه ومر الوقت بين النايمه وبين الصاحيه و كل شويه اتأكد خاف غياث ينام .. وبكل مرا اتأكد يكون كاعد ..

غياث :( كاااعد و الحسسسن كاعد

ايسار :( و شدراني اذا عيونك مغمضهن

غياث :( ما مغمضهن

ايسار :( شو اشوف

غياث :( تشوفين متأكده ؟