مَــلاذ قـلبي المُرعب

معتبرك وطن لتروح وتغربني تاليها
التفاصيل العشتها وياك
أوّل مرّة أحس بيها ..

___________________________

دخل بوجه للمطبخ جانت زهره لازمه صينه بيها ستكاين بيدها وتحجي وي ريم ..

غياث :( زهره بويه ما تجين شويه

لتفتت باوعت عليه بعدين رجعت باوعت ع ايدي شلون لازمها ..

زهره :( والله خويه اعذرني دا اسوي جاي

غياث :( بكيفج اني كلت ليش اهينه كدام الاعداء

زهره :( شنو شقصدك منو الاعداء ؟

طير الصينيه من ايده الستكانات صارت تتطاير بكل مكان وع اثر الصوت كُله لتمت ..

شيخ صالح :( شني هاي غياث شسالفتك

جرني خلاني بصفه واني من الخوف اجيت اوكع ع وجهي ..

غياث :( زهره عندج ثار وي ايسار ؟

بقت ساكته ما حجت شي ..

شيخ صالح :( احجي شكو

غياث :( اسمعي زين و الكل هنا يسمعني عديته مره كلت من معزتهم وعرض الشيخ كبال عيني وكلت لخاطره احله و اجفه الشر وانتو تدرون ادور الشر دواره

ام عاصم :( غير نفهم شني السالفه شبيكم شبيج يمه ايسار منو مضوجج

غياث :( الي يحجي ع الشرف ويطعن اعراض العالم كون هوه شريف وما عنده زله مو لو شتكولين زهره

محمد :( غياث عندك حجي احجي لا تظل تلمح وتنطي الغاز زهره شعندج وي ايسار

زهره :( و ووو والله ما عندي شي وياه مثل اختي هيه

تباع لغياث بخوف و وجه مصوفر لدرجه متنوصف ..

غياث :( اني بالنسبه الي بلغت و اعتقد وصلت الفكره ما حاجه اشرح كضو نسوانكم لا انوب تخرب الشغله كلش البينه كافينه

شيخ صالح :( بويه غياث تعال فهمني وانتن لمن الكزاز لا الفروخ تجي تسحك عليهن مالنه خلك مستشفيات

راح الشيخ ولحكه غياث وزهره طلعت تركض ورا رجله ..

علي :( بممم

فزيت من مكاني مخترعه ..

علي :( لسه بيج دمعه

ايسار :( يمته

علي :( هسه بس اكلج بجت تبجين

ايسار :( لا والله

ريم :( علي متروح يم الزلم مو كعدو بالدوانيه

علي :( شعليج

بقت تلم بالكزاز بدون ما تحجي بس تنافخ ..

طلع علي وراه دخلت حنين عفتهم وصعدت للغرفه ..