مَــلاذ قـلبي المُرعب

چنه مثل ماي و هوى
حالة صداقة و حب سوه
وهسه اني واحد منهدم
فارگ حبيبه و صاحبه
________________________

طفرت من مگاني اريد اعرف شبي وهوه يروح ويجي ساحب شعره قوي ..

ايسار :( شكو شبيك غياث

جان لابس بنطرونه و القميص بعده ممدكمه وخله وطلع يركض ..

ما عرفت شنو اسوي بس لبست فوك ملابسي دشداشه وجريت شال حطيته ع راسي ونزلت اركض ..

بس نزلت صارت بوجهي حنين ..

ايسار :( شكو شصاير احجي

حنين :( ما اعرف حته علي طلع يركض

طلعت ركض برا جانت سناء واكفه و ايده ع راسه ..

ايسار :( شكو سناء احجي مصعب بي شي شصاير احجي

ما تحجي خلت وگعدت بالگاع ..

ايسار :( احجي سناء فدوه هبطتيني

سناء :( أمير أمير

ايسار :( شبي أمير احجي شبيي

سناء :( ما اعرف مسوي حادث مدري صاير انفجار وهوه هناك ما ادري ما ادري

ايسار :( لا لا تشاقين

سناء :( طلعو راحو يركضون ما يشوفون بعيونهم ولج غيااث ينتهي اذا صار شي لـ أمير شلون شلون

ايسار :( أمير تشاقين صح مبي شي ممتأذي

سناء :( لو ما متأذي ما جان طلعو هشكل

ايسار :( تلفون نطوني تلفون

اركض و اعيط اريد تلفون اخابر هنادي ..

ايسار :( نطني تلفوووون

حنين :( هذا جهاز سناء اتصلي

جريته ودكيت ع هنادي مره ثنين تلاثه اربعه خمسه ماكو ما ترد ..

ايسار :( ليش ما ترد شبيها

ورجعت اتصل ونفس الشي ماكو اي رد ..

ما خليت واحد ما تصلت عليه من هنادي لـ ام مصعب ومحد دا يرد ..

ايسار :( ليش محد دا يرد ليششش

گعدت بالگاع مليون الف فكره و فكره اجت ببالي وماكو احد يجذبها ..

اباع للساعه بـ الوحده الظهر اني شكد نايمه شلون فاتني كل هذا ..

الي مو هامه الأمر وآلي منتظر خبر ويانه والي مشغول بنفسه ..

ايسار :( اذا صارله شي هنادي تتخبل شلون شلون

رحاب :( كولو يالله ان شاء الله مبي شي روحن صلن هسه والله كريم

رحت توضيت وصليت ..

دعيت من كل گلبي يرجع أمير سالم ومبي شي ..

للعصر ماكو خبر منهم وهم اتصل محد يجاوب شحال هنادي هسه شصاير بيها ..