مَــلاذ قـلبي المُرعب

هواية احلام أجن بعدك 

بس لليوم حلمك

واكف بعيني

النار العايشة بصدري

ما تخمد اذا مو أنت

بـ متونك تطفيني

شكد احلام وردية

ردتها وياك لگن ماعرفت

شلون تحويني

___________________________________

قدمت ع كلية اهلية وصرت اداوم .. قانونو مرحلة اولى ..

والي ويايه صغار كتاكيت بس الله ميجرعهم شعدهم سوالف ..

و هم اقره بس يوم الامتحان و اروح امتحن وانجح ..

امير طول الفترة الي اداوم بيها ميدري ولا شفتة ولا سمعت عنه .. و مو غريبة ع الي غايب سنين يرجع يغيب هسه ..

بس لو نرجع للواقع اني انتظره وبالي مشغول بي وما افكر بغيرة .. رغم هذا جنت اتواصل وي الدكتور ..

دوم يسأل شصار بيومج و شنو سويتي واني اجاوبة وتستمر محادثتنة ..

بيوم جنت راجعة من اخر امتحان بالكورس الاخير وامشي بتعب .. صادفني الدكتور بالسيارة واني مسوية نفسي ما شايفتة ..

هيثم :( شلونج هنادي 

هنادي :( الحمدالله بخير الله يسلمني 

نزل من السيارة و وكف كبالي ..

هيثم :( شلونة اخر امتحان 

هنادي :( سهل اني اول وحدة طلعت من الامتحان 

هيثم :( يلا ان شاء الله تنجحين و تعبريها 

فتحت باب السيارة ونزل منها علاكة صغيرة نطانياها ..

هنادي :( شنو هاية 

هيثم :( هدية

هنادي :( ماليش 

هيثم :( هيج 

هنادي :( لا اعذرني ما اكدر اخذها 

هيثم :( ليش 

هنادي :( شبيك بصفتك شنو تجيبلي هدية 

هيثم :( صديق 

هنادي :( استغفر الله هيثم تره اني من احجي وياك معتبرتك دكتور خوش ؟ لتسرح بتفكيرك ولا تنسى اني مزوجة زين ؟

هيثم :( ما اختلفنة اعتبريها هدية من دكتورج !

هنادي :( زين جيبها 

جريتها من ايده ..

هنادي :( واتمنى تبقى ملتزم بحدود الدكتور ومريضتة