مَــلاذ قـلبي المُرعب

البارت الحادي عشر
_______________________

وأفزّ ، وألتمّ
وأحسس ناسِي ما مهتم
ألين وردة من أنشاف
بس عطاب من أنشمّ .
_______________________

....

شربو جاي و طول ما هوه گاعد يراقب تحركاتي .. صرت حته الي يحاجيني ما ارد عليه ..

بعده طلعو للحديقه هوه و الشيخ و بقينه گاعدين بالمطبخ ..

ريم :( گومي تحركي شويه مو زين الگعده عيوني

سميره :( بعده عروس

زهره :( عروسيش بعد خلص العرس احنه من عرسنه ثاني يوم گعده من السبعه نتراكض

رحاب :( زمنج غير يوم أمس من عرستي انتِ بعدين كُلنه نعرف شنو غياث والي عده حجي تحجي و هوه موجود مو گدرتجن ع البنيه

ريم :( حجتت حجتت الملاك

سهى :( بدت رحمة الله كافي

زهره :( وهسه احنه شحجينه

بقيت صافنه بوجهن هنه منو منين وين اني بس سهى اعرفه بت عمه يعني بنت سميره ..

رنا :( طلعت روحي خلص انتن تكملن الباقي

اجت من باب المطبخ تلهث هذولي شكد ما يخلصن ..

گعدت يمي سهى وهنه گل وحده لزمتله شغله ..

سهى :( حقج حقج والبقيه مو هنا

ايسار :( همه منو

سهى :( شوفي ريم مرت عاصم اخو غياث الجبير و رحاب مرت سيف و زهره و رنا نسوان اخوتي محمد و علاء زهره مرت علاء و رنا مرت محمد هذولي الي معرسين وها انتِ وغياث نضميتو للعائله

ايسار :( وبعد اگو يعني هم ما خلصو

سهى :( اي بعد عندج حماج حازم وحازم شويه صحته مو تمام ميطلع من غرفته هواي و سناء و هناء بنات عمي ابو عاصم من مرته الأولى متزوجات

سهى :( بقينه اني وعلي اخويه و اختي حنين هم وخلصنه يبقون الزعاطيط انتِ تعرفي عليهم

ايسار :( هواي هم

سهى :( سيف ماعنده جهال بس عاصم عنده ثنين ولد واحد بالمتوسطه ويطلع وي ابو للشغل ميگعد بالبيت هواي و الثاني بعده عمره سنه ونص

ايسار :( اي لعد مو هواي

سهى :( هههه حبيبتي ذولي اهل زوجج احنه غيررر