مَــلاذ قـلبي المُرعب

البارت السابع
_________________________

فقدت وَياك أهَميتيّ ..
جرسَ جيّران صَارلهُم عَمر عُشرة
مَثل هالحَاله وضَعيتيّ ، إنهَضمُت هَواي
من حَاسبني عَ الخطار و مُعتبرك أهَل بيتيّ .

___________________________

:( شايفين كُل الخير 

تعالت الهلاهل و الگفلات و الجگليت الي صار مثل المطر ينزل عليه ..

طلع السيد و عمي وهوه حسيت بتعد اله جريت نفس ..

اجت هنادي وخرت الكبوس الي تزوهرت من ورا ..

دره :( شايفين كل الخير بنيتي زواجت الدهر 

ام عاصم :( الف مبروك يمه منه المال و منج العيال

الادين الي لزمتني هيه ادين ام عاصم نفس الدفو بيهن ..

تمنيت امي وياي بهاي اللحظة .. تمنيت اهلي وياي مو وحدي ..

سناء :( الف مبروك زواجت الدهر

حضنتني و بوستني منطيت اي ردت فعل ..

يجن يباركن ما اعرفهن و لا افتهم شنو ارد عليهم ..

رجعنه للصاله جانت اكو طبله و كرسين الطبله عليه الذهب و كيك و عصير و قرأن وشمعه ..

اني مو هواي حاضره هيج اشياء و ولا بعمري اعرف عنهن ولا امي مسولفتلي ..

حته هنادي من تزوجت ما اذكر شسوت ..

اصلا عبالي خلصنه اجيت ادخل للغرفه و ابدل ..

هنادي :( وج وين خرب

ايسار :( شكو بعد

هنادي :( صخمتينه النسوان يتنوعن امشي حيجي يلبسج الذهب

ايسار :( منو يلبسني الذهب كولي غيرها صدك تحجين

جرتني كعدتني و اشرتلي اسكت .. و ام مصعب حايره بالنسوان ..

جنت مدنكه دا ارفع اطراف الفستان عن الحذاء جان طويل شويه و دايسه عليه ..

فزيت ع صوت حمحمته و دخوله اجيت اشرد من مكاني من شفته جاي بتجاهي ..

هاي صدك صارت يبوو يبوو عليج ايسار ..

جان لابس قميس رصاصي طوخ و بنطلون اسود ..

تلكنه بالهلاهل و الهوسات الجنوبيه ..

لزمتني الرجفه اريد انهزم عزرائيل وكف يم راسي ..

بقيت افرك بأيدي و ابلعم ما اكدر ارفع راسي ..

دره :( حبها ولك حبها لتخاف من امها

هي وينها امي حتى يخاف منها ..

ام عاصم :( يلا يمه لبسها الذهب