مَــلاذ قـلبي المُرعب

أخذني بكُلشي ما ابيعك
أخذني من التعب يمك
جگارة بجفك أشِعلني
أموت بسد أصابيعك
أخذني وياك من عندي
أخذني لأي حلم ارتاح
مو شرط بحلم وردي .
____________________________

رحاب وجها صوفر جانت مخليه سهى بحضنها و مسويه نفسها تلاعبها ..

صالح :( شني هاي بويه

غياث :( شتگولين رحاب ابدي اني ؟

غياث :( ها ريم ها يبنات خالي !

الكل ساكت ومنتظر الي حيصير بس رنا اخذت الجهال وراحت لذاك البيت بعدين رجعت ..

ابو عاصم :( شني هذا و لشنو جاي تلمح 

اشرله الشيخ بأنو يسكت ..

سهى صارت تبجي ورحاب متعرف شنو تسوي اباع ع ايدها ترجف وريم ولا عبالك ..

تقدم عليها سحب سهى من حضنها وبس ما شالها سكتت .. وجابها خلاها بحضني بدون ميحجي وياي ..

غياث :( سحر ! و المن لـ ايسار ع شنو ؟ ولجن بكلمتين تضحكن عليها وتصدك شنو العدها غير اخلاقها وتربيتها وانتن ما عدچن ؟ ما گلتن اذا عرفت شسوي ؟ ما خفتن ؟ هسه عوفني الله هذا الله ما تخافن منه ؟ 

رحاب :( والله

غياث :( اشش اسم الله لا تذكرينه هذا سحر لو مو سحر 

دنگت راسها رجع عاط بيها ..

غياث :( احجججججججججي 

رحاب :( اي 

غياث :( اي شنو ؟

رحاب :( سحر 

غياث :( لمنو 

رجعت سكتت شمر الصينيه الي بيها الستكانات بالگاع كلها فزت ..

غياث :( المن 

رحاب :( لـ ايسار 

غياث :( وبعد المن 

رحاب :( لعمتي 

غياث :( منو سوته 

رحاب :( والله مو انه والله 

غياث :( ريم 

ريم :( اصلا انه اول مره اشوفه لدخلوني بالنص مو بكلشي وحطيتو ريم حايط نصيص

غياث :( صوتج لا ترفعي واعرفي ويامن تحجين لا اعبي حلگج نعل 

اباع ع رحاب وبعدني مصدومه منها معقولة هيه ؟؟

غياث :( شوفن والكل كاعد ويشهد تعرفني وكلش زين هاي السوالف ما تعبر عليه وكلشي اعرف بس التعترف من ذاتها ترحم روحها من الراح يصير وياها لان وكتاب اللله ودينه ما انعد ع الزلم اذا ما ذليتچن وهسه يلا الغن ماعندي وكت

رحاب :( والله احجي احجي بس تنطيني الامان و توعدني تن..

غياث :( يلاااااا