مَــلاذ قـلبي المُرعب

شلون انساك ؟

ليش انساك ؟

احبك من الابهر واعبد السواك

لو شمرت افراش البي مرض معدي

يشمروني ولا فركاك

لو ماي الترشه امي وراي الصبح من اطلع

يلمونه ويغسلوني ولا فركاك

___________________________________

غياث :( ها مستعده

ايسار :( هوايه اي

غياث :( ماكو خوف

ايسار :( لا اصلا عادي

غياث :( الحمدالله

بقينه اكثر من الساعتين بالمطار وطول هاي الفتره هوه كاعد واني بصفه محد منه تحرك ..

صعدنه بالطياره وكلشي تمام كعدني يم الجامه وهوه بصفي ..

هيه بدت تقلع واني روحي ساحت لا اكدر احجي ولا اكدر اعبر عن الي بداخلي بعتباري كلت ما اخاف منها هيه شنيه قابل .. وغياث يباع عليه ..

غياث :( عادي ها

ما جاوبته لزم اديه ثنينهم بأيد وحده ..

غياث :( اهدي لا تموتين قبل لا تعيشين حياتج

ايسار :( لا بس شويه دخت

غياث :( اي وجهج راح الدم منه

ايسار :( اي

غياث :( نامي من نوصل اكعدج

ما نمت بس بقيت مغمضه عيوني ..

ما اعرف شكد مر وكت بس طولنه ..

غياث :( فتحي عيونج

فتحت عيوني اباع عليه ..

غياث :( باوعي

بقيت اباع عليه ..

غياث :( مو عليه

دارني لجهة الشباك .. المنظر جان مثل الخيال .. احنه فوك من الغيوم وكلشي مينشاف غير زراك السما وجمالها ..

وصلنه وهبطت الطيارة .. وما خفت نفس ما قلعت ..

نزلنا وكلشي اختلف الهوى الجو المنظر وحته غياث ..

حيل جانت بارده وغياث مو بس لازمني حاضني ..

اخذنا جنطنه وطلعنا من المطار ..

غياث :( بارده ها

ايسار :( ثلج ثلج

غياث :( هسه بس نوصل للفندق تدفين

ايسار :( شلون نروح

غياث :( سباحه

ايسار :( لا اقصد سياره