مَــلاذ قـلبي المُرعب

من رحت طآح الڪلب
صحيته ڪوة وڪعد
بـ أول حچَاية نحچت عنك سأل وينك؟
وڪل هذا باقي بـ أمل؟
لازم يجيبك تعب ذيچ السنين المضت
مآبينه وبينك
ومآ أيست مآتجي
بس آني لازم آجي
بحجت آرد دينك .
________________________

رحاب :( هاي مو سيارة غياث شنو اليوم ما طالع 

ايسار :( لا طلع توه اجه 

رحاب :( شعجب جاي هيج وكت 

ايسار :( جمعه اليوم 

رنا :( اي الجمعه الولد هنا 

رحاب :( صدك ايسار شنو سالفة ريم ذاك اليوم 

ايسار :( وحدها تمضرط

ثنينهن بقن مصدومات وحته اني بقيت مصدومه من نفسي شلون طلعت مني هشكل حجايه ..

رحاب :( هههههه خرب يومج 

ايسار :( اگلجن بارده ليش مطفيات الصوبه 

رحاب :( رنا مابيه حيل تترسها 

رنا :( ما  طلعت رنا الي تريدها تروح تترسها 

رحاب :( ريم و زهره وين 

رنا :( بذاك البيت ينظفن 

رحاب :( من شوكت هاي 

رنا :( نهزمن من غياث 

رحاب :( ليش 

رنا :( مو هوه متحلف بيهن ما يردن يشوفنه وجوهن

رحاب :( خلي اروح اشوفهن واجي 

طلعت رحاب واني رجعت للغرفه شفت امير رايح بسابع نومه گلت اصعد اجيب ملابسي من فوك ..

صعدت وصلت يم باب الغرفه جانت مفتوحه شويه ردت ادخل ستوقفني صوت غياث ..

غياث :( انت سامع روحك شتحجي ليش تخليني امسح بيك الكاع 

عاصم :( انت شعليك 

غياث :( عاااااااااصم لا تخبلننننننني شكد عمرك انت ؟ ابنك بطولك صار ما تستحي 

عاصم :( هنادي اريدها وخلص هاي هيه نقطه راس سطر 

غياث :( وانت شني بهنادي تاگل نعل وتضبط روحك تالي عمرك جاي تراهق علينه 

عاصم :( وانت شعليك ليش ضايج اني البنيه عاجبتني واريدها ليش هل الانفعال و اللغوه الزايده 

غياث :( گوه تريدني امد ايدي عليك

عاصم :( هواي سگتتلك شنو تمد ايدك عليه اخوك الصغير اني لو عبالك علي غصباً عليك تحترمني

غياث :( احترمك ؟ هوه انت منطي فرصه لنفسك تحترمها حته اني احترمك شوف عاصم هاي المره حجيتها وبس اني سمعتها وراح اسگت چني ما سامعك اذا طلعت السالفه وسمعتك عايده لا بالله لا اگول اخوي الچبير ولا اخليلك اعتبار ادوسك و اهينك كدام العالم گلها وانت تعرفني كلش زين لا اخاف ولا استحي هنادي تنساهااا وتطلعها من بالك خوووش