مَــلاذ قـلبي المُرعب

7

اني ودمعتي وصورتَك والذِلة
وشارعكُم الغلطة حياتي أندلة
لاگيت غيرك عافية وما حبيت
وظليت واگف وأنتظرتك علة
مثل الوَلد لو يعزل بعشر بيوت
لازم يّحن عَ الگعده الّي ببيت أهلة
أُمنيتي أكدر أنطق الراح أنسَاك
والعادي مَا مشتاگلك والسَهلة..
بس آنه اليمُر أعلة بابَك ويروح
أحفظ طريقة مَشية وأحفظ شِكلة.

________________________________

كعدت بمكان ما اعرفة وراسي ثكيل ..
ريحة المكان طيبة لدرجة بقيت مغمضة عيوني واستنشقها ..

فتحت عيوني على صوت الباب وهو ينفتح ..
دخلت بنية سمرة بطنها كدامها ..

سمر :( الحمدلله على السلامة 

ما رديت عليها ردت اكوم رجعت كعدتني وكعدت يمي ..

سمر :( اني زوجة غياث 

فتحت عيوني على وسعهن ولتفتت عليها مصدومة ..
وتحجيها كدامي ..

ايسار :( وجاية دا تبشريني ؟

سمر :( انتِ احلى من الصور 

ايسار :( ومنين شايفتني بالصور 

نفتح الباب دخل غياث ..
عاد هي بساع طلعت واني وكفت على حيلي ..

ايسار :( ليش جايبني هنا 

كعد على الكرسي وخلة رجل فوك رجل ..

ايسار :( ويامن احجي شكو جايبني هنا 
تشوفني عائلتك السعيدة ؟

غياث :( كعدي 

ايسار :( ما اكعد 
واكفة افتر بمكاني وافتح بشالي ..
احس روحي مختنكة ..

ايسار :( ناصر 
ناصر وين شسويتله احجججي 

غياث :( راسي مصدع لا تلحين 

ايسار :( المن جايبني هنا ؟ 
لشنو ؟؟ 
تشوفني عائلتك السعيدة ؟

غياث :( لا هنا ارحم الج من المكان الراح ترجعين اله 

ايسار :( يا مكان بعد ؟؟؟
تريد تنتقم ؟

بقى يباع عليا بدون ليحجي ..

ايسار :( مكافي كل هذا ؟
متعبت من الدا تسوي ؟
مو عفتني ورحت ليش رجعت هسة ليش متريد تشوفني مكونه نفسي ودا اعيش لنفسي وبس

غياث :( لو ما اريد اشوفج هشكل ما جان وصلتج لهنا 

ايسار :( ليش لعدددد ليشش كل هذا 

غياث :( لان انتِ غبية 

ايسار :( فوكاها ؟

كام من مكانة وكف مقابيلي ..