مَــلاذ قـلبي المُرعب

البارت الثامن
____________________

داخلي مُحطم كأني سفينة بدون سارية أسافر بين المدن عسى إن أجدَ مكان يتقبَلُني بِحطُامي! لِماذا ياترى أصبحتُ هَكذا؟ هل بِسبب أني كَنتُ شخصًا جيدًا أم بِسبب أهتمامي بِكُل من حَولي؟ لا أعرف حقًا ماذا حَل بيّ ولِماذا وصلتُ لهذهِ الحال المثيرة لِشفقة ولِكن هُناك شيء إنا مُتأكِد مِنه وهواا أنِ اصبحتُ ضعيفًا بمرور وقت وصارَ كُل هَمي أن أعيش حياتي بِهدوء بعيدًا عن ما يسمى بالبَشر لأني أنا قائد سفينتي! فسأرمي بِكُل مابِها مِن حُطام وأكمل رحَلتي كما أعتدتُ .

____________________________

...
رحنه للصالون و استلموني واني لا حول ولا قوة يلعبن بيه بكيفهن و بكيف هنادي ..

:( لج عيني مشايفه هيج عروسه اني لعد شبيهن العرايس الباقيه يتشرطون و يموتوني اله يخلصن

هنادي :( اي هيه هادئه الله يستر عليه

تحجي وياها و تأشرلي اضحك واني اغمض عيني قلت صبر ..

گملت و جهاز هنادي ما سگت ..

رجع  أمير رجعنه للبيت و الهوسه مو طبيعيه ..

ناس هواي يا دوب كدرت ادخل ..

مصعب راح يجيب العروس و طالعه الزفه و الناس متحشده ع يابو عشه ..

ام مصعب :( الله يتتمملج ع خير حبيبه هاج هذا القرآن خليه بأيدج وهاي هيل

خلتها بأيدي بعده جتي الملايه و جلتلي ..

وساعه حطي هاي بحلگج ساعه هاي لزميها بأيدج ساعه هاي انطيها لزوجج ..

شگد جنت خايفه بس من گالو جتي الزفه خفت أضعاف حيلي گُله باد بعد ما اگدر ارفع ايدي حته ..

گلبي اله شويه يوگف سابع جار يسمع دگاته مغص بطني ذبحني ..

دخلن النسوان يهوسن اليكول عدهم عرگه و جاين هداده ..

هنادي وكفت يمي لو صارت روحي بيها جريتها و بقيت حاضنتها ..

ايسار :( لا تعوفيني فدوه هنادي عليج الله ابقي يمي لا ياخذوني بطلت حبابه

هنادي :( يا اسم الله شبيج حبيبه وجهج اصفر اديج ثلج صارن

ايسار :( شرديني منا خلصيني

فات الأوان دخل هوه ختل توازني و مناك الگعب عالي و البدله ثگيله ماخذين ثلث حيلي ..

اجه يمه واني شامره روحي بحضن هنادي ..

هنادي :( عيوني شدي حيلج النسوان تباع علينه اني اروح وياج و امي هم

النسوان حايره تدبج و تركص وهاي حايره بيهن ..

جرني من ايد هنادي و اله شويه اعيط ..

باس راسي بقوه و كأنو يگلي بدا عذابج ..