مَــلاذ قـلبي المُرعب

بارت الثامن و عشرين
________________________

فقدت وَياك أهَميتيّ ..
جرسَ جيّران صَارلهُم عَمر عُشرة
مَثل هالحَاله وضَعيتيّ ، إنهَضمُت هَواي
من حَاسبني عَ الخطار و مُعتبرك أهَل بيتيّ .
_________________________

يخوزر بعيونه تخوزر و مهدي و نور راحو يسلمون ع سناء اشو مصعب هم بقه ينافخ ..

جانت نيتهم يصعدون بالسياره من دخلو مهدي و نور لبيت عمي نزلو وكفو يم السياره ..

مصعب :( شكو ما طبن جوه

هنادي :( وانت شكو ما تركب سيارتك و تتوكل

غياث خازره والله لو بيده يحطنه اني وهنادي و يفترسنه ..

مصعب :( لو صايره زلمه مو احسلج وعلي ع الاقل عندي اخو يبقه بمكاني بالبيت

هنادي :( رحمة الله همزين انه فرحانه عندي خوش اخوات

مصعب :( فوتي فوتي احسلج

ضحكتله صفح ودخلت و اني وراه ..

ايسار :( ول هنادي انتِ كارثه

هنادي :( يستاهلون

ايسار :( علميني حته دا اصير مثلج

هنادي :( انتِ من هسه احطج و اعلمج منا لسنه ما تتعلمين

ايسار :( لا شبيج والله اتعلم

هنادي :( اذا واحد غلط عليج وراد يضربج شنو تسوين

ايسار :( اذا راد يضربني انهزم

هنادي :( ها حلو تنهزمين واذا غلط عليج تكليله الله يسامحك مو ؟

ايسار :( اي

هنادي :( كومي من يمي لا اكفر بيج

ايسار :( شبيج

هنادي :( ايسار انتِ مو ذنبج ذنب عمي الله يرحمه هوه هيج رباج كُله منه

سكتت عنه بعد ما حجيت ولا هيه حجت لليل اندك الباب اني دخلت لغرفة ابويه و طبكت الباب ..

بعدني توني دا اتمدد هجمت هنادي ..

هنادي :( رجولته هاجمه ع بيتنه

ايسار :( ها شنو شبيج اسم الله

هنادي :( غياث وامير هنا ابوي يريدنه

ايسار :( ها وهسه شنسوي

هنادي :( اني ما اريد ارجع

ايسار :( اني هم ما اريد ارجع

هنادي :( واذا شفتي غياث

ايسار :( ما اروح

هنادي :( امشينه لعد ومحد يكدر يخلينه نسوي شي احنه ما نريده

ايسار :( يلا

لبسنه صايات فوك ملابسنه و شال ورحنه لبيت عمي اول شي كعدنه يم ام مصعب بعدين صاحنه عمي رحنه يمهم ..