مَــلاذ قـلبي المُرعب

من باب اموت بچيتك
ومن باب اموت بغيبتك
و لليوم مدري شتنحسب
محبوبي لو چتالي
يالما مقيمني عدل
يالما مثمن افعالي
تدري شگبرها مگابلك وادري الفراك احلالي ؟

_____________________________

سحبها غياث من حضن علي يشوف شبيها ..

غياث :( وين جنت شبيك 

بدون ما يحجي كلمة ركض للبيت انطاني غياث سهى وركض ورا واميروياهم ..

دخلت للبيت اسكت بيها ما تسكت .. نزل علي بأيدة سلاح بس مو سلاح عادي ..

حنين :( هاي شنو شصاير وين رايح علي 

طلع وغياث نزل ورا يركض انطيت سهى للشيخة وطلعت وراهم ..

لزمة غياث قبل لا يطلع يريد يجر السلاح من ايده ما ينطي .. 

علي :( وخرررررر

غياث :( ما تطلع اذا ما تفهمني

علي :( غياااااااااث وخررررر

غياث :( لا تصيحححح

رجلية ماتو السلاح بديهم و واحد يصيح ع الخ وامير يريد يفهم منهم ماكو .. كلها طلعت والبيت نخبص ..

امير :( اي احجي ليش ما تحجي شبيككك

علي :( شعليكككك شعليكم وخرو عن طريقيي غيااااث وخر خلي اطلع 

غياث :( امشي اجي وياك 

فتح الباب دفعة علي حيل وطلع صعد بالسيارة وشخطاه بسرعة نكلبت السيارة اله شويه ..

ام عاصم :( ولك يمة شبيكم وين راح 

انطة غياث نظرة لـ امير بساع جاوبة ..

امير :( امشي بسررررعة

طلعو ثنينهم واحنه بقينه حسبة تجيبنة وحسبة تودينة ..

رجعت  لسهى لكيتها نايمة بحضن الشيخة ..

الشيخة :( شمالجن تتراجفن شبيهم الويلاد

حنين :( غير لو ندري نزل علي يركض شايل سلاحة ما يرضة يحجي وراحو الولد ورا 

الشيخة :( خير ان شاء الله 

ظلينة كاعدين ع اعصابنة ننتظرهم والشيخ يتصل ع غياث مغلق ..

للـ 2 بالليل وهمه ماكو الي نام والي دخل للغرفة ينتظر واني كاعدة بالمطبخ فاتحة باب الشباك منتظرتهم ..

نفتح باب الشارع ركضت فتحت باب المطبخ وطلعت ..

دخلو محمد وعاصم ..

محمد :( هاك استلم هاي انوب 

ايسار :( غياث وينه 

عاصم :( عدهم شغل شسوين هنا الدنيا نص الليل