مَــلاذ قـلبي المُرعب

أخذنّي يَّمَك
عيّني مشتاگه لضوَآك
وگَلبّي چن شُباك ما شايف شمس .

______________________________

فتحت الباب ونزلت عيوني متمرگزه عليه .. تحركو شفايفه وفجأه وگعت رگضت عليه وقبل لا اوصلها لزمها...

منظرها ما يروح من عيني وهيه بحضنه ..

اباع عليه وعليها وارجع اباع لغياث النزل ورانه ..

ما اعرف شسوي ولا اعرف شنو اتصرف تجمدت احس نفسي بخيال ..

حاضنها بثنين اديه منين ما يحاول يغطيها يزلك شي منه .. 

شالها وتوجه بيها للسياره ..

غياث :( اصبر وين

صعدها بسيارة سوده كلشي ممبين منها وركب وشخط سيارته بكل سرعته وختفو .. هذا الصار واقع ؟ كلشي ما لحكت افهم ..

سناء :( شنو هاي غياااث فهمني شنووو 

غياث :( نفس ما شفتي 

ايسار :( شنوو شاااافت منووو هذا ؟

غياث :( فوتي جوه هسه بعدين نتفاهم

ايسار :( وين افوت ؟ شلون ياخذهااا ؟ هوه منوو 

لزمني من زندي وقدمني لباب القاعة ..

غياث :( اني رايح وراهم فوتي 

ايسار :( ما اريد هدني خذني يمها 

غياث :( سناء فوتيها وممنوع تطلعن اني ساعة واجي اخذجن ولو ما الزلمه مخابر ومحلفني ما اجيبها فضني 

ايسار :( لتحاجيها الها حاجيني الي مو زعطوطه اني وتفوتني كتلك ما اريد افوت اريد بنت عمي شنو هيته هيه 

نزلت عينه ع صايتي الي نفتحت وشالي الي فجأه وكع من راسي ..

غياث :( امشي 

عتني من ايدي لسياره وعالم بالشارع تباع علينه مستغربين .. شمرني بالسياره وصعد  حرك السياره بسرعه وطلع جهازه اتصل ع سناء ..

غياث :( لا ابقي قيمي بالواجب وعتذري منهم اي لا يظل بالج 

شمر جهازه عيونه كلبن حمر كام يفور ..

غياث :(  بسيطه 

ايسار :( وين اخذهاااا منوو هوه منووو راح تخبلوووني 

غياث :( صوتتتج

ايسار :( يشبه بس مو هوه احجي موو هوه كووول 

غياث :( سترررري رووحجج

ايسار :( وين اخذنني يممها ما اعوفها وحدهها وياه

غياث :( حاجيه وحده ايسار ما تلومين غيرنفسج كافي تحملتج هواي 

ايسار :( خذنني يممها دا اكلكك خذننني 

بقه ساكت ما حجه ابد ..