مَــلاذ قـلبي المُرعب

4

تفارگنَا نَفس الدَري
مِترَهي انتَ رحت
وأنه الهِدل چَتفه !
رَديت مِن الهَضم
باب أهلي ما أعرفَه

___________________________

ايسار :( عشتها عشتها غياث عشتها 
حجيتها ورفعت راسي لهنادي ..

جانت كاعدة بالكاع وعيونها مترمش بس صافنة ..

ايسار :( لتهتمين لكلامها ساعة عصبية 

ايسار :( حجتها لان كلبها محروك 

ايسار :( الواحد لمن يكون معصب كُلشي يحجي 

هنادي :( زلة اللسان هي الحقيقة اللي بداخل كُل شخص 
حجتها و كامت تريد تطلع من الغرفة ..

ايسار :( وين

هنادي :( اريد ابقى وحدي شوية 

ايسار :( هنادي 

هنادي :( لا تطلعين من الغرفة اني مراح اعوفج ومصعب اكيد مراح يسويها بس يريد يخوفج 

ايسار :( ابقي هنا 

هنادي :( هسة ارجع 

عافتني وطلعت من الغرفة ..

كعدت بالكاع بدون لا اسوي شي ..
شكد اجتني افكار وشكد احتاريت وشكد جنت متأذية بساعتها لو شكد ما احجي ما اوصفها ..

طلعت من الغرفة صارت بوجهي مريم لازمه بأيدها كتاب من شافتني عبرت تريد تدخل للغرفة الخ ..

ايسار :( مريم 

وكفت بدون لتحجي ..

ايسار :( وين رايحة تعاي اريد احاجيج 

مريم :( اريد ادرس ما اكدر

ايسار :( شغلة صغيرة و روحي 

مريم :( شنو هي

ايسار :( تعاي هنا خلي اكُلج 

مريم :( كولي واني هنا اسمعج 

رحت عليها درتها بتجاهي ..

ايسار :( ما اعرف شنو اللي مخليج تعامليني بهاي الطريقة واكيد حيطلع بعدين ، عادي اطلب منج طلب ؟

مريم :( اي

ايسار :( اكو جنطة سودة صغيرة وكعت جوه بالصالة تكدرين تجيبيها اليه ؟

مريم :( وين بالصالة ؟

ايسار :( بالكاع يم القنفة 

مريم :( تمام 

ايسار :( انتظرج هنا

عافتني ونزلت وبقيت منتظرتها ..

مريم :( هاية ؟

ايسار :( اي 

مريم :( هاج 
شمرتها عليه ودخلت للغرفة .. وبصراحة مجنت بحالة تخليني اهتم لهيج تصرف ..

اخذتها وفتت للغرفة ..

طلعت جهازي ونبضات كلبي تدك الف ..

اكتشفت انُ ما عندي شخص ممكن احجيلة .. ما عندي احد ..