مَــلاذ قـلبي المُرعب

الك بالروح ديرة مِن الهلا
وصوت بعشك مبحوح ، ليش تروح !

____________________

شفايفه بيض بلون وچه .. شلته بحضني ايدي ترجف ..

ايسار :( امير حبيبي ماما 

امسح بوچه وابوس بي ..

ايسار :( اميري اگعد يبعد امك اگعد صار الصبح امير يمه اميرر 

ابوس بشفايفه وحاضنته لصدري ..

غياث :( شبيج ايسار تخبلتي 

اجه عليه واني حاضنه امير كل قوتي ..

غياث :( وخري عنه خنگتي شبيج

راد ياخذه مني دفعته كل قوتي ..

ايسار :( لا ابني عوفه امير اگعد اگعد كافي نوم هواي نمت عمو علي منتظرك اگعد يلا اگعد 

غياث :( ايساار 

ايسار :( ما يگعد ما يگعدددد امميررر امي اگعدد اگعددد

سحبه من حضني لازمه بثنين اديه ..

غياث :( امير بابا شوو  

 فتح عيونه بأيده بعدين نزل ايده يتفحص نبضه واني لازمه بأيده ..

ايسار :( ليش ما يگعد گعده امير ماما گوم حباب اميررر 

رتد للخلف گعد ع الچربايه وامير بحضنه ..

ايسار :( خاف عطشان اجيبله مي اي عطشان شوف شفايفه 

جان اكو گلاص مي يم راسي جبته واحاول اشربه ..

غياث :( ايسار 

ايسار :( بس خلي يشرب هوه عطشان اني ادري 

خليت بأيدي شويه وغسلتله وجه ..

غياث :( شسوين ايسار 

ايسار :( ما يگعد گعده گعدده غياث 

ما يحاجيني مدنك يباع عليه واني گاعده بالگاع يم رچليه ..

ايسار :( جيبيه انطينيا وخر عنه 

اريد اخذه منه ما يرضه ينطي ..

ايسار :( ابني غياث جيبه خلي اگعده جوعان يريد ياگل انطينيا 

غياث :( مااااااات ميتتتتتت

ايسار :( اسم الله ع اسمه وخررررر عنه 

سحبته منه و وگعت بالگاع حضنته واشم بريحته ..

ايسار :( نايم تعب البارحه لعبنه هواي هسه يگعد 

نزل لمستواي راد ياخذه مني عطت بصوت عالي ..

ايسار :( وخرررررررر تريددد تاخذه مني اني ادري انت جذاب هوه نااااايممممم ناااااااااااااايم 

ايسار :( ماما امير گوم حباب اگعد لتخوفني 

غياث :( ايسار 

ايسار :( نايم