مَــلاذ قـلبي المُرعب

البارت الرابع
______________________

الأصعب من خسارةِ شخصٍ تُحبه
هو أن تُواجه نفسَك كل يوم بفقده تمامًا ، تواجه نفسك برحيله وبأنه لن تجمعكم مرة أخرى مُحادثةٌ ولا فنجان قهوة ..
أن تُدرك كيف أنَّ لشخصٍ شاركتهُ تفاصيلك ، أسرارك ، حكاياتك وجميع أيامك أصبح بعيداً عنك .

_________________________

الطريق كُله عمي مخليني بحضنه و يقرا ايات قرأنيه و يهدي بيه ..

ابو مصعب :( ابجي بويه مو زين عليج طلعي حركتج و ابجي

بقيت ساكته بعدني اجذب الي اشوفه و ماكو دموع تنزل رغم كل هذا ماكو اي دمع ..

صفطت السيارات و نزلو و اني عيني عليهم بس عمو ما نزل بقه يمي ورا فترا اجه مصعب حجه وي عمي بهمس ..

مصعب :( انزل ودع اخيك خليها يمي

فزيت من حضنه اريد انزل ..

ايسار :( اني اغسله اني

مصعب :( ايسااار رجعي بعدهم ما يغسلونه

ايسار :( لا تجيي يمي وخرر ابويه ما اعوفه

ابو مصعب :( خليها تعاي بس توعديني تكونين كدها

ايسار :( عمو مو اني جنت اغسله هسه شلون تقبلها الغربه تغسله

اخذ بيدي و نزلني ومشينه و مصعب ورانه يستغفر ..

دخلنه مثله الغرفه بارده كلش و ابويه منيمينه ع شي مثل الصخره جبير و مجردينه من لابسه غير جرجف ابيض مغطي حزامه ..

اريد اقترب اكثر و احضنه و اشم ريحيته بس رچليه بعد متعيني منظره و هوه بعيد عني و بهيج مكان اخذ من حيلي ..

و ما احسيت بعد بشي رحت لغير عالم ...

_________________

فتحت عيني بالمستشفى و بأيدي كانونه و مغذي ..

ايسار :( يمه الف الحمد لله مجرد حلم الحمد لله

تلفتت مصعب واكف بعيد يحجي وي دكتور ما اعرفه بعدين ستوعبت هاي مو نفسها المستشفى مالتنه ..

من شافني كعدت اجه عليه يتحمدلي ..

ايسار :( وين احنه هسه

مصعب :( هسه نرجع للبيت بس منتظريج

ايسار :( اي و هسه بابا منتظرني سوده عليه من زمان عايفته لو تدري شلون حلمت حلم

غمض عيونه بتعب و دار وجه عني ..

بعدها اجه عمي يتطمن عليه و طلعنه سوه بنفس السياره ..

ما اعرف وين احنه لحد ما شفت قطعه مكتوب بيه ( بلدية النجف تودعكم ) ورجعت لتفتت اريد اتأكد ..