مَــلاذ قـلبي المُرعب

البارت الثاني عشر
______________________

أنت جمرة شوگ بيدي
مدري أذبها !
مدري أچوي الروح بيها
مدري
أخلي العمر يتباها بضواها !

________________________

....

علي :( ابو عراك گاعد

يابه هذا دوم ينقذني بالاوقات الصح ..

غياث :( گاعد هوه انت لو ما تدري گاعد ما تجي

علي :( شويه من رخصتك

غياث :( جاي

جر تشيرته لبسه وطلع لو صار عندي عيد يابه بودي ارگص بچفيه ..

طفيت الضوه ع السريع جريت غطه غير غطاه و تمددت ..

سرح تفكيري بعيد لأماكن بيه عزازي الصدكين لذكرياتي قبل ..

شلون جنت و شلون صرت .. و شلون تغير حالي بلحضه .. معقوله هذا قدري ؟ معقوله هاي قسمتي و هذا الي كاتبه الله اليه ؟

حسيت عليه رجع تخربطت احوالي هسه اني لو نايمه ..

بقيت كاتمه انفاسي عود ما ابين اگاعده .. هوه بقه يطگطگ بالغرفه ما گدرت افتح عيني لو ارفع الغطه ..

تخيلو متغطيه و مغطيه حته راسي بالغطه و اخاف افتح عيوني خاف يشوفني ..

بقيت ع هاي حالتي لحد ما ادري شوكت اخذتني النومه و غفيت ..

_____

فزيت الصبح وهوه نايم بصفي اكو قريب عن شعره مثل الصخام مال الفحم و ايده هم بيه ..

باوعت للساعه بالتسعه دا اگوم جرني رجعني لمكاني ..

غياث :( وين

ايسار :( چوه

غياث :( بيش الساعة هسه

ايسار :( هاي بالتسعه

غياث :( بعد وگت رجعي نامي

ايسار :( بس ان..

غياث :( نامي

رجعت تمددت قابل شريد اسوي ..

من الملل و الهدوء اني هم رجعت نمت و النومه نومه ل١٢ گعدت هوه ما موجود جريت شالي حطيته ع راسي و رحت غسلت و نزلت ..

ايسار :( صباح الخير

ريم :( يا حبيبه ظل صباح هساع راح نحط الغده

زهره :( انه ادري الأذان حيأذن نريد نصلي

غياث :( خير بويه شني ما عاجبجن

ريم :( لا شعلينه

غياث :( فهد وين

ريم :( نايم

شرب گلاص مي چره وحده وطلع ..

رحت صبحت ع الحجيه و أم عاصم انوب جتي حنين ..