Rainbow🌈:
احبك كحب الرسول لعائشه ♥️(1)
بقلم يسرا محي الدين يونس💙🖇️..
ناخد جرعه من القران الكريم(بسم الله الرحمن الرحيم❤️ الحمد لله رب العالمين ❤️الرحمن الرحيم❤️َمالك يوم الدين❤️اياك نعبد وإياك نستعين ❤️اهدنا الصراط المستقيم ❤️صرات الذين أنعمت عليهم❤️ غير المغضوب عليهم ولا الضالين❤️).
الحمد يخوانا اسي عاوزاك تحمد ربنا ع كل شي حاصل في حياتك سواء سئ اوجميل اذا كان جميل د ربنا مَن عليك بيهو واذا سئ دا خير ليك لقدام انت اسي م شايفو.. المهم اتعودو تحمدو ربكم علي كل شي ♥️✨.
قاعده في امان الله فاتحه شيتاتي بزاكر او بدعي المزاكره لاني زهجته بس جاتني ليك لوز مفحححطه..
ملاذ : يسرا قومي طلعه طلعه ابو السريع كدا..
انا : م شايفاني بزبط في مستقبلي يعني عاوزه تدمريهو ياحاقده عارفاك..
ملاذ : عايني انتي زهجانه كدا م حتقدري تركزي ورح فرقي شويه وتعالي قطعي شيتاتك دي ياحفاره ياكوزه ياوسخه..
انا : يكوز راسك وبلا يخمك انتي وطلعتك الحتخلوني اسقط بسببها بكره..
ملاذ : يلا يامزه استعجلي وماتتأخري انا قلت لامي حمش معاك الصيدليه ونا ح اكلم ليك خالتو ندي عشان عارفه دراماتها ف انتي قومي انجزي بس..
انا : غايتو الحماس الشايفه في عيونك دا اكيد محمد وراهو وهو سبب الطلعه دي..
ملاز : ياهو شاطره وبتفهمي يلا قومي سريع..
انا :يازوله انا م بباري لي اي كابلز ناقصه انا؟! ، قومي شتتي😪👋..
ملاذ : طوالي ملت لي عيونها برائه وترجي وهي بتقول لي بليييييز يسو حبيبي..🥺
انا : خلاص بقيت حبيبك🤣💔ومحمد؟!..
ملاذ : عليك الله يايسرا ح نتأخر وح يزعل مني بطلي بياخه..
انا : تدفعي كم؟!
ملاذ : ماديه حقيره، خلاص بدفع ليك بدفع ليك..
انا : اوك تمام كدا اتفقنا..
انا يسرا عمران ودي ملاذ علي صحبتي وجيرانا ساكنين في الشقه المجاورانا لينا اربعه سنين مع بعض بس وكانو اتولدنا سوا اكتر زوله بتفهمني وبفهمها ملاذ بتقرا طب ونا بقرا تخدير في جامعه تانيه ودي ابيخ حاجه حصلت لينا في الحياه انه اي وحده في جامعه براها م علينا نرجع لطلعتنا..
انا : لفحت عبايتي وطرحتي وشلت شيتي واقلامي معاي
ملاذ : وشيتك د مبارينا وين لا سمح الله..
انا : ودايراني اقعد في نصكم، الحيونسني منو انا ماشيتي دا..
ملاذ : خليتك يازوله وقال سايقاك تفرقي.. 😂💦
انا : سايقاني لمصلحتك ياتافهه وطالعه عشان قروشي م اكتر..
اتصلت ع محمد وراها حنتلاقا وين..محمد جا وسلم علينا وعيونو قلوب قلوب لملاذ بدوو يتونسو لملمت كروري ومشيت لي طاوله فاضيه وقعدته بعاين للماشي والجاي فجأه لفت نظري شاب وسيم كدا عندو غمازات جا يطلب شي دلفري..ادا بتاع الكاشير القروش قام رجع ليهو باقيها ضحك وقال ليهو خليها معاك مع ضحكتو دي غمازاتو ظهرت ونا سحته لمن لقيت نفسي مركزه معاو دنقرت في الشيت وعملت فيها بقرا شلت القلم وكتبت بطرف الصفحه البقرا فيها(ما تعبرنا يامدمرنا🤤💔)..رفعت راسي لقيتو طالع من المكان قلته وشو دا م غريب علي.. اها خلاص عاوزه تعملي فيها اي ولد سمح بتعرفي بطلي عوارتك دي وارجعي لشيتك وعالمك المظلم د بكره وراك امتحان قدر ماعصرت عقلي م فهمت شي واصلا المكان جوطه قلت كدا اشوف الصايعه الضايعه دي.. عاينت ليهم لقيتهم بضحكو مع بعض وباين عليهم مبسوطين ف اتمنيت ليهم يكونو حلال بعض قريب كدا♥️🔥 وتنتهي الفارغه دي عشان م عاجباني🦦💦رسلت ليها مسج فيهو خلاص يا الفايقه اتشايليها ولا بمش بخليك..ردت لي والله م بقدر افارقو😭💔لكن بس نخلص طقتنا دي ونتخارج.. استغفرت طبعا م بقدر افارقو دي شنو؟! انا الله يصبرني علي البت دي بس..
فجأه كدا وبدون مقدمات جا زول وقف لملاذ في راسها وقال ليها( ملاذ علي عكاشه) .. والولد وشو م بتفسر شكله غضبان شديد ضرب الطربيزه بصوت عااااالي خلا المكان يصننن ووجه نظراتو الناريه لمحمد وقال ليه انت منو؟!! محمد بتوتر قال ليه انا حبيبها طوالي اداهو بوكس قاسي في وشو لمن اغمى عليه طبعا الولد عباره عن حاجه كدا ضخمه انا زاتي خفت منه طويل وعريض وعضلاتو اي وحده أكبر من التانيه عموما انت من تعاين ليه كدا بتشوف عضلات بس..
ملاذ : احمد دقيقه اشرح ليك براحه م كده😭..
الولد : ولا كلمه وقدامي سريع😡😡..انا طبعا بلعت ريقي من الخوف ود شنو د احمد د شنو هو زاتو وجا من وين وهو منو؟!..
ملاذ :ممكن بس تس...قاطعها ولا كلمه قلت ليك😠 اطلعي بره استنيني في العربيه لمن اجيك اسي خليني افضا لدا وعاين لمحمد المغمى عليه في الارض..
انا : م عرفت اعمل شنو قلت ح اجري ب الباب التاني بس دايره اقوم كدا سمعته الغبيانه دي قالت لي يسرا ورح ورافعه لي يدها بتناديني اخخخ يسروك وين اقوليك انتي منو اصلا انا م بعرفك😭😭💦..
الولد : انتي معاها اطلعو يلا سرعه استنوني بره..
طلعنا بره ونا البديت ابكي..
انا : فكوووني ماشه لامي ونا م بعرفك اصلا يبت الناس😭😭😭
ملاذ : مسكتني من يدي قالت لي ماشه وين اصلا هو حيجي يوصلنا دقيقه كدا روقي الموضوع ماخطير..
انا : ماخطير كيف يعني وفي مصارع جوا مهددنا واسي حيطلع لينا بره.. فكيني قلت ليك😩
ملاذ : المصارع د اخوي اول حاجه 😂💔بعصب كدا بس حيروق اسي وحيفهم مننا..
انا : اخوك كيف يعني م بعرف ليك اخو غير حسام انا😳.
ملاذ : د احمد ود ابوي ود ماما ريا اصلا كان مافي ونزل السودان اسي لعزابي بس انا ملاذ دي😭والله خايفه لمحمد عاوزه اموت 😭.
انا : تستاهلي انتي ومحمد ونا الله يقصقص رجليني المبارياكم بيهم ديل 😭الحرب لايموت فيها الا الابرياء اليله يحليلك يايسرا😭😭بس نشوفو ليك طلع انا خلاص عاوزه اجري الا ملاذ العفنه دي ماسكاني..
احمد : فتح باب العربيه وقالينا اركبو..حسيتو حيودينا مكان بس ويجلدنا..
صلو ع الحبيب.. ♥️🌸
