احبك كحب الرسول لعائشه ♥️ ✨(2)
بقلم يسرا محي الدين يونس 💙 🖇️..
جرعتنا من القران(والفجر💛وليال عشر💛والشفع والوتر💛واليل اذا يسر💛هل في ذلك قسم لذي حجر💛الم تر كيف فعل ربك بعاد💛ارم ذات العماد💛التي لم يخلق مثلها في البلاد💛).
طلعنا وهو دخل ورزع الباب انا اصلا كان قلبي في يدي بس شايفه ملاذ م خايفه شديد..
احمد : يعني دي شغلتك الكنتي بتعملي فيها طيله ما انا مافي صح؟!
ملاذ : لا والله م كده.. انت م اديتني فرصه اشرح ليك😭💔اسي هو كيف ان شاء الله ما اذيتو يا احمد عليك الله 😭😭.
احمد : وكمان نفسك فاتحه وبتسألي؟! انا الغايظني كلمه حبيبها القالها لي في وشي دي..
ملاذ : محمد م بعرف يكزب ولاحصل يوم كزب علي..
احمد : بس خلاص طالما انتي قلتي كدا اليله حنشوف بتاعك دا بجد م بعرف يكزب ولا لا😂💦.
ملاذ : الله يسامحك هو بجد نيتو بيضه تجاهي وجادي كمان..
انا : خلاص يبت بطلي دفاع واعتزري شنو هو..(انا لسه خايفه طبعا😂💔).
احمد : انتي صحبتها صح..
انا : ااااا اهااا اييي 😁💔.
احمد : طيب وما كان تنصحيها من الاول اسي النصايح لزومها شنو؟! وعليك بلله تاني م تغشي نفسك وتقولي ماشه تقري ليك في كافتريا بشيتك العامله بيه ترويج دا..
انا : عاوزه اقول ليه ماشغلتك بس اتزكرت البوكس الاخدو محمد وسكته ساي عملته طرشه..
أحمد : عموما انا خلاص حسمته الموضوع دا وتاني م حتتواصلي معاهو ي ملاذ..
ملاذ جاها هبوووط عديل هبطت و اوكسجينها قطع حسيتها حتغمر لي في يدي وهي بتقول ليه لااااا م تقول كدا م بقدر 😭💔انا قدر م قرصتها ينفع الله ابت تسكت وهو تاني م سألها نهاي وم اشتغل ب نبيحها وبكائها دا الشغله..
وصلنا ونزلنا مسكت شيتي ودايره افحط ناداني قال لي بيتكم وينو؟! انهرته ياناس انهرته خلاص حيكلم امي والقيامه حتقوم.. كنت عاوزه اشلف لي بيت كضب من راسي لحد ما ملاذ الله يحفظها ماشاءالله..
ملاذ : الشقه المجاوره لينا طوالي.. 😊
انا : 🥲🥲🥲
احمد : اهااا اخت ياسر..
انا : اي.. قلت ليه في سري امش كلمه برضو اوع تنسا النبي فيك..
احمد : سلمي عليهو 💙حس بي متوتره قال لي ناس بيتكم م ح اكلمهم علي فكره 😂💔ونتي بدل خوفك د م تباري ملاذ دي بس نصيحتي ليك..
انا : انا زاتي قلت كدا والله😭😂💔. عاينت لملاذ لقيتها م شغاله بينا ووشها ملان دموع وعيونها شارده شديد وكأنو عندها عشره اطفال م لاقياهم راحو ليهم عشره سنه (عجبتني🤣👋) المهم ملامحها كانت ارمليه جدا.. 😂💔💦قلته ليها بضرب ليك ونتفاهم اسي انا بستأذنكم واخيرا فحطه البيت بعد خشيت غرفتي عاينته لشيت الفي يدي اتزكرته الامتحااااااان،واي ح اسقط اصلا نوو ويي المهم مشيت صليت واترزعت في الارض قعدته اقرا قلت ملاذ دي بس ح تضيعني،تاني حنيت عليها ياخي محمد د بتحبو اكتر من اي شي في الدنيا دي بس اخوها الضكر د خوفني اقسم بالله اتزكرت لمن كان بتقول لي عندي اخو معقد شديد ومتخلف قلت يعني د هو متخلف بجد😂😭💦فتحت الشيت لقيت الجمله الكتبتها قبيل لمن شفت الولد المزز(م بكتبها ليكم تاني اتزكروها بس)قلت انا دي ان شاء الله لو ماسقطه بكره جامعتنا دي لا يعترف بها وبحرقها ليهم زاتي، بعديها ضميري انبني وقعدته قريت بجد المره دي حت انجزت كويس بعديها مشيت اتخمخمت نمت..
اليوم التاني نزلت الامتحان وكان لا بئس به ونا راجعه قلت كدا اغشى فلانه الارمله دي اواسيها حبه😂😂😂😂💔💦من خشيت كدا اتشعبطت فيني وبدت تبكي المشكله وشها ملان دموع بس ملامحها مبسوطه، مبسوطه شديد لمن الدنيا دي ماسايعاها قلت ليها كدا النفهم حاجه🐸.
ملاذ : محمد ح يجي يطلب يدي اليله..
انا : بصرخه اوووبااااا I can't believe it
ملاذ : انا كمان I can't believe والله😭😭.
انا : وكيف وكيف يعني وقاليك متين.. 😂
ملاذ : بري اصلا م اتكلمت معاو من امس بعد الشكله م بعرف احمد قال ليه شنو المهم م قاعد يرد ع مكالماتي يبت لو ما ايماني قوي امس د كان انتحرته😭😭😂💔.
انا : هاك إيماني قوي دي يعني الفكره قاعده في راسك ياوسخه😂💦
ملاذ : اصبري النتم ليك..
انا : اها اها بعدم صبر..
ملاذ : احمد جاني قال لي بتاعك د اقصد زولك دا طلع قدر كلمته وجاي البيت ف خليك جاهزه ح يجو بعدين ونا ح اكلم امي حنان..ونا من الزمن داك حاسه اني ح اموت من الفرحه وح يجو يلقو زوله ميته😂😭💔
انا : ملاذ انتي فاهمه انه ح يجو يخطبوك بعدين ولا يعقدو ليك م بعرف..
ملاذ : م فاهمه م فاهمه ولا عاوزه افهم المهم بس انه ح يجي بعدين وح اسمع صوتو لاني اشتقت ليو بجد😭💔
انا : مخير الله🐸🔥قومي اتزفتي ورح نشوف ليك فستان ولا اي حاجه بعدين تلبسيها ودقيقه وشك د مالو بايظ كدا شكلك امس مانمتي من البكا..
ملاذ : انوم كيف بس ونا م سمعت صوتو وريني😞💔
انا : عايني انا العولاق د م بنفع معاي م تقعدي تشبكيني صوتو وحنانو وبتاع والله امش اخليك..
ملاذ : خلاص سكته🥲 بس لمن يجي يوم وتحبي ح تفهميني يايسرا🙂♥️..
انا : 🤣🤣🤣🤣💔خليني انا كدا اسي قومي غسلي وشك دا ومشيت عملت ليها ماسك تعملو في وشها وفتشنا معاها فستان ظريف كدا حلو وبسيط..
لا حوله ولا قوه الا بالله ♥️🌸.
