*#احبك_كحب_الرسول_لعائشه ♥️ ✨*
*#بقلم_يسرا_محي الدين_يونس💙*
*#الحلقه 《48》*
م عارفه نمت كيف انا اليوم ديك لانه عقلي اليل كله كان شغال يستوعب في فكره انه تاني انا م ح اشوف ابوي💔 ولا ح اسمع صوتو💔 ولا ح اشوف ضحكتو💔.. ابوي اكتر زول فاهمني ونا حقيقي بحبو اكتر زول في الحياه بحبو اكتر من احمد حتى احمد كان كتير بقول لي انا بغير من عمي دا..المهم قضاء وقدر،، أحمد الصباح جا قال لينا الجثمان وصل اتصبرو واحتسبو امي كان معاها خالاتي بدو يولولو بس انا وامي صبرنا المره دي انا حرفيا من احمد قال لي انتي ب نبيحك بتعزبي ابوك وقفت اني اصرخ حتى لو بكيت دموعي بس بتنزل لكن وقفت صراخ عشان م اعزبه ناديت احمد قبل م يجيبو الجثمان جوا قلته ليه اها يا احمد ح تخليني امش معاكم قال لي والله يايسرا ماف داعي بعدين انا زاتي م عارف انه الحاجه دي صح ولا غلط بس يستحسن امك م تمشي انتي عاوزه تمشي لشنو؟!قلته ليه عاوزه اودعو يا احمد لو في طريقه انا عاوزه اكب لي التراب وادفنو عاوزه اكرم ابوي انا م قصر مني في حاجه في الدنيا دي قال طيب حبيبتي ح تكرميهو ب الدعوات ادعي ليه والوداع ح يسمحو ليك تشوفيهو قبل م يبردوهو بس انتي خليك صابره طيب قلته ليه سمح..
فعلا جابو الجثمان احساس مرعب لمن يكون شايلين ابوك في كفن(ياربي طول عمر كل اب علي قيد الحياه وتغمد المتوفين برحمتك واجعل قبورهم رياض من رياض الجنه😞🤍) كنت بعاين ليه اهو دا ابوي الكان بجينا برجلينو ويحضنا وعيونو ملانه شوق وحب لينا ياهو مغطى وم قادر يتحرك دخلوهو في الغرفه وقال لينا خشو شوفوهو عشان يبردوهو ويودهو الدفن انا خشيت اول وحده فتحت وشو وغمضت عيوني م قدرت اشوفو جاني احساس زي الهو نايم وحيقوم يتكلم معاي فتحت عيني بالعافيه وقلت ليه جاسر ليه م شفتو يا ابوي؟! لي مشيت بدري كدا يا ابوي..يا ابوي قوم انا لسه في حكاوي كتيره م قلتها ليك دموعي جات جاريه بقيت استغفر عشان م اتعب وانهار تاني💔،،جو طلعوني امي وياسر خشو وبعديها حمموهو وخلاص جو مطلعنو الناس دي كلها بتردد في لا اله الا الله ..احمد رفع يدينو وبدا يدعي واحنا بنقول وراهو آمين..
احمد : اللهم ارحمه ووسع نزله واكرم مدخله اللهم اغفر له واعف عنه واغسله بالماء والثلج والبرد ونقه من الخطايا كما ينقى الثوب الابيض من الدنس وابدله بدار خير من داره وادخله الجنه واعزه من عزاب القبر،ومن عزاب النار..الناس كلها قالت امين ورفعو الجنازه ومشو بيها بعد شالو ابوي ومشو انا حسيت انه الدنيا دي فاضيه ونا ماف جنبي ولا زول صحباتي جوني وكل الناس البعرفهم بس انا م كنت مركزه م عارفه اصلا الجاني منو بس الحاجه الوحيده الكنت بعملها اني بتماسك وم بخلي الناس تصرخ اي زول بعمل كدا بقول ليه ممكن تدعي ليهو وم تعزب لي ابوي..ف الناس بتدعي ليهو طوالي وبحسو انه انا بتو متصبره هم ماف داعي للجزع وامكن دي اكتر حاجه كويسه انا قدرت اعملها بعد وفاه ابوي يوم السبعه كدا بلمساء أحمد جا قال لي ممكن أشيل معاي جاسر اليله شايفو مضايق من كتره الناس شويه قلته ليه ابدا م عندي مانع بس بعدين بليل تعرف تتصرف معاو حيوريك كتاب.. احمد قال لي لا ولدي فالح ومابيناتنا امور ولا شنو جاسر عاين ليهو وضحك لكن انا عارفه البحصل شنو بس عملت رايحه قلت علي الاقل ارتاح لي يوم واحد بدون ازعاج وكواريك.. .
اتصل لي احمد حكايه الساعه 3 صباحاً..
احمد : ماقاااااااااادر عديل..
انا : بسم الله في شنو؟!..
احمد : ما جاسر دا😩..
انا : سمعت ليك الكواريك شكله صرخ فيهو صرخاتو العجيبه ديك وما اتسكت ليهو..
احمد : اجيبو ليك ولا كيف😭؟؟..
انا : تجيبو لي شنو ياراجل ماعارف الساعه كم؟!..
احمد : اها واعمل شنو؟!لو شوفتي قعد يكورك فيني تقول انا م ابوهو..
انا : سامعاو سامعاو😂💔دقيقه اوريك تعمل شنو،اول حاجه النور فاتح ولا قافل..
احمد : فاتح..
انا : طيب طفيهو جاسر مابحب يجي ضوء في عيونو وهو عاوز ينوم+شكلك شايلو وواقف بيهو صح..
احمد : اي دا الحاصل..
انا : عرفتا😂💦خلاص اقعد بيهو ماتقيف وضمو علي صدرك كدا واقرا ليهو سوره الضحي بيحبها❤️"..
احمد : طيب وفصل الخط..
بعد عشره دقايق احمد رجع لي..
انا : اهااا
احمد : يا ام يا "معجزه♥️"..
انا : ياعيون المعجزه..
احمد : طلعتي ام ناجحه اقسم بالله ،عرفتيهو كيف بحب سوره الضحي؟!..
انا : أصلا اي ام بتعرف كيف تسكت ولدها ماعندو علاقه بنجاح او فشل لكن شكلك انت اب فاشل😂💔+عرفتو بحبها من لمن كنت بقراها ليهو برتاح شديد وبحسو اطمئن ياخي لدرجه انه بوقف اي ازعاج هو بعمل فيهو عشان يسمع بس..مره كنت مشغله قران لمن جات سوره الضحى طوالي خت الكشكوش بكل هدوء وبقا ساكت ومركز ف عشان كدا انا مستعملاها وسيله جيده لتسكيتو لانو هو حرفيا بوقف اي ازعاج عشان يسمع م عارفه السر شنو؟!..
احمد : ياحبيبي ياحبيبي😞❤️الاولي ليو❤️والتانيه ليك❤️،كنت فاكر حتقولي لي غني ليهو الغنيه الفلانيه اوكدا وابهرتيني لمن قلتي لي سوره والابهرني زياده انه هو سكت فعلياً بيها ف ربي يحفظكم لي يارب..
انا : ويحفظك لينا انت كمان..اها بعد كدا انت كمان الحق نوم عشان بكرا تقدر تشتغل دوامك..
احمد :طيب +الشوق قطع مصاريني علي فكره،،م حتجي انتي تاني ولاشنو؟!
انا : يا احمد م بقدر اخلي امي براها صعبه.. تاني بقعد معاها اسبوع كدا وبرجع.
احمد : كلامك صاح خليك معاها فتره شويه امك كمان متعلقه ب ابوك شديد ربنا يجبرها ان شاء الله قلته ليهو آمين يارب😔🤍.. احمد جاب لي جاسر الصباح وقال لي خلاص اتشاکلنا تاني م ولدي ولا بعرفو بعد البشتنه العملها فيني امبارح..
انا :😂😂معقوله ياخ لدرجه دي.. وجيت اشيلو منو جاسر حلف لو يجيني بقا ماسك في ابوهو قوي..
احمد : اها يخوانا الحاصل شنو كمان؟!..جاسر قدر م حاولنا معاهو حالف لو ينزل من ابوهو..احمد قال شكلي ح الغي الشغل اليله وح اقعد عشان امسك حضره البرنس "جاسر احمد"..
فعلا احمد قعد معانا شرب الشاي مع امي واخد معاها ونستين وسأل ياسر من الجامعه وقال ليهو انزل بعد كدا م تضيع مستقبلك وخليك فخر لابوك.. ياسر قال ليهو اصلا انا مؤجز لكن لمن انزل ح اجتهد وح ابقا لابوي فخر بجد❤️انا لمن سمعت كلام ياسر دا دمعتي لمن جات اول مره اسمع ياسر يقول كدا كان م عندو شغله ب القرايه دي نهائي،،تعامل احمد مع ناس بيتنا وشايل همهم ووقفتو معانا في وفاه ابوي حاجاتو دي طيبت خاطري جدا وكل مره بثبت لي اني اخترت صح♥️✅..وما بثبت لي العكس ابداً..
جبت لجاسر لعبو وكبيتهم في الارض احمد نزل جاسر براحه لمن بدا ينشغل بيهم احمد قا لي يلا انا ح اهرب بعد كدا،،قضيت مع امي فتره كويسه بعديها هي الطلبت مني أرجع قالت لي كفايه كدا لو قعدتي معاي زاتو عمران م حيجي واحنا اصلا من زمان متعودين نقعد برانا انا وياسر..قلته ليها عمران م ح يجي يا ماما لكن حنلاقيهو في الجنه ب اذن الله تعالي قالت لي ان شاء الله يابتي..الكسره كانت حاره علينا بس رضينا ب المكتوب والحمد لله..
بعد رجعت جيراني جو عزوني في وفاه ابوي أصلا م كنت بخش عليهم كتير في وحده جات جديده سكنت في الشقه المقابلانا جاتني قالت لي م بعرفك بس حكو لي جاراتي عنك وانو ابوك اتوفى وكدا ف جيت اشيل ليك الفاتحه بعديها عرفتني عليها قالت لي اسمي انفال وبقولو لي فله❤️..هي زاتها ظريفه وكيوته لو م الحنه في يدينها م بتقول عليها متزوجه قلته ليها عروس جديده شكلك قالت لي بري لي سنتين يايمه و عندي تؤام كمان قفلت فيهم الباب وجيتك معزبني عزاب.. قلته ليها ربنا يحفظهم ويخليهم ليك..والله يكون في عينك انا الواحد دا مطلع عيني كان جاسر نايم جنبي واشرت ليها عليو قالت لي بعد حلاوتو دي كلها😩❤️قلت ليها اي والله..د قليل ادب عديل.. قالت لي م تقولي كدا انتي امو يعني انتي المربياهو😂🤝قلته ليها والله بعترف اني فشلت في التربيه انا بعمايل جاسر دي🙂..قالت لي نفسي كان اجي القاهو صاحي اشوفو بعمل في شنو😂💔قلته ليها اسي شيليهو معاك م نفسك عيالك يبقو تلاته..قالت لي قنعانه منو عديل انتي🤣💔بري الله يقدرني علي الاتنين واسي اتاخرته عليهم معليش أستأذنك..م كنت بخش علي جاراتي كتير بس فله خشت لي في بالي ف بقيت امش ليها وبتجيني❤️يوم جاراتي قالو لي عملنا اقتراح انه كل اسبوع بنختار فيه يوم بنتلم فيه عند وحده..وقالو لي اخترناك انتي اول زول نجيك قلته ليهم جدا م عندي مشكله..زبطت حاجاتي من بدري فله جاتني قالت لي مرا والرجال ورا🤣🔥الحاله كنت جايه اساعدك قلت ليها جاسر نايم بس كل الحكايه وسبب النجاح د كله..المهم جو اتونسو معاي وطلعو ظريفات اديتهم القهوه وكنت عامله كيك وفشار وحاجات كتيره المهم عزيتهم وهم بتونسو جابو سيره انه الرجال كعبين وم منهم فايده اي وحده قعدت ترصع وتتكلم في راجلها لمن جو دور فله قالت ليهم بري انا راجلي اسامه م برضا فيهو وحتى عيوبو م بقولها لزول دي حاجه بيناتنا🤣❤️كيفتني ودايما فله مكيفاني م بحب التحشر والتطفل دا😂🤝قالو لي اها وانتي يايسرا قلت ليهم واها شنو؟!..قالو لي راجلك يعني عامل كيف؟!..قلته ليهم متفاهمين جداً الحمدلله❤️..في وحده طوالي ضحكت بصوره مستهتره كدا وقالت لي اي انتو عشان يدوبكن غاشنكن والله بكرا يمسخو ليكم ويضوقوكم المر اصلا د طبع الرجال كدا💔 قلت ليها م كللهم انتوظالمنهم طبعا انا اتزكرت ابوي وحنيتو علينا وعلي امي لحد م اتوفى❤️💔لسه بعاينو لبعض ويضحكو قالت لي كلامي د ح اجي بعد سنتين ازكرك ليهو قلته ليها ولو بعد "الف سنه" انا واحمد حنفضل متفاهمين❤️..
قالت لي سمح خليتك انتي اصلا لسه صغيره م شفتي لدنيا شي ولا اشتغلت بيها الباب ضرب ودا كان احمد جا اصلاً دا زمنو لمن سمع صوت نسوان ضربو تاني مرتين بعمل كدا دايما عشان يتصلحو كويس قبل م يجي خاشي عليهم..قمت فتحت الباب قال لي السلام عليكم ودا الاكياس المطبخ ومشى الغرفه شلت جاسر وديتو ليهو لانو بدا ينوني فيني ويبشتني قدام الضيوف.. لمن وديت ليهو جاسر قال لي لي ماكلمتيني جاينك ضيوف اليله؟!قلت ليه نسيت والله💔عاين لي بس م قال لي حاجه ختيت ليهو جاسر ومشيت..
*🔘سبحو............ ♥️🌸..*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*
