ا🌸.
احبك كحب الرسول لعائشه ♥️✨(24)
بقلم يسرا محي الدين يونس💙 🖇️..
حسناتنا ياقميلين(نٓ والقلم ومايسطرون💗ما انت بنعمه ربك بمجنون💗وان لك لأجراً غير ممنون💗وانك لعلى خلق عظيم💗فستبصر ويبصرون💗 بأييِكم المفتون💗).
ملاذ قالت لي انا كمان الشمار حارقني لكن كدا لمن يرد ونعرفها اسي تلقيها وحده من الجكس الطبي حقهم الفي المستشفى دا🤤قلته ليها امكن برضو😕 بس السغيل م بكلمنا لي؟! المهم ماعلينا الموضوع ماخطير لو كلمك بس وريني معاك يخ الشمار حيكتلني،،قالت لي سمح وقفلته منها يلا انا بقيت ماشه وجايه ماشه وجايه زي الحاصله لي مصيبه وشويه كدا بحس نفسي زي العاوزه ابكي تاني بقول لنفسي ماف سبب بخليك تبكي،، انا خلاص اتيقنت انه ح يخطب ح يخطب لانه ملاذ اكدت لي المعلومه وبعد ماجابت سيره الجكس الطبي الشغالات معاهو عقلي بدا يوافقها برضو، فتحت الواتس وساكنه جوه الشات حقتو بس حارساهو يخش عشان اعرف الزيت.. احمد حلف لو يخش ف بس فضلته مقلقه م قدرت انوم الزمن اتأخر ونا لسه بمش وبجي في الغرفه م قادره اقعد في حته وحده بقيت اقول لنفسي ح يخطب يعني ح يبعد يعني تاني م ح القاهو قدامي في اي مصيبه عملتها يعني تاني م ح القى زول يقعد ينصحني في الكبيره والصغيره ح يخطب يعني تاني حيشبكني بموضوع الحواجز الكئيب دا ح يخطب يعني حيكون عندو مسؤلياتو كتيره غيري ب اختصار حيكون م فاضي لي😞💔فجأه حسيت نفسي كارهه البنات الهو شغال معاهم وحده وحده بزات الحيخطبها دي حاسه وكأنو حاجه حقتي وهي حتشيلا مني..بعديها قلت لي انا متوتره كدا ومقلقه كدا اجي د شنو د وم يخطب يعني عادي جدا انا الدخلني شنو بس ترررر دموعي جرت ماعرفت اعمل لنفسي شنو لانها بتحير الموضوع م مستاهل وهي مكبره ام الموضوع،،قمت اتوضيت صليت لي ركعتين ورقدته في محاوله فاشله مني للنوم بس نجح فشلها ومانمت للصباح انا بفكر لمن حسيت راسي حيطرشق.. انا بس كنت عاوزه اعرف الموضوع مؤثر معاي شديد كدا ليه؟!.. م مشيت الجامعه اليوم ديك امي لمن جاتني قلته ليها فترانه بس مشت جابت لي عصير وأكل ونا اصلا م كان نفسي في اي حاجه بس فاتحه الشات حقت أحمد الفيها off line من امبارح دي وقاعده فيها..بس فجأه نزلو لي رسالتين.. "بتتت" ،"كيف اصبحتي"..م كنت عاوزه ارد دا م بهمني اليله بهمني عاوز تخطب ومابتكلمني لي؟!!..
انا : عاوز تخطب اااااا...
احمد : بسم الله كدا صباح الخير اول..
انا : لا م صباح الخير..
احمد : هو اسي انتي فايره كدا ليه؟!
انا : طلعت حاجه وهميه شديد عندك لدرجه انه م بتوريني بخطوبتك..
احمد : انتي ما اديتيني نفس المشكله..
انا :..............
احمد : يسرا؟!..
انا : ماتتنفس اهو سكته ليك انا..
احمد : اي ياخ جاي اخطب م اكمل نص ديني يعني؟!..
انا : ونا طيش من يعلم..
احمد : معليش العرس ح اوريك اول وحده..
انا : م عاوزه اعرف اساسا خلاص عرفت انت شنو ونا شنو ب النسبه ليك..
احمد : لو روقتي وم استعجلتي يكون حلو..
انا : ياخي انا م بخلي فتفوته في حياتي م بحكيها ليك.. مؤتمن دا كان
لو قال لي آ اسد بجي بوريك..
احمد : معليش بس مؤتمن د ماتضربي لي بيهو اي مثال شوفي ليك اي حاجه تانيه..
انا : مؤتمن عمل ليك شنو طيب،انا وهو م اتفقنا لاسباب بس انتو ك اصحاب مختلفين لي في شنو ممكن تتزفت توريني..
احمد : طيب يايسرا اليله ح اتزفت واوريك مؤتمن بعد ماوريتو البت الانا بحبها وخاتيها لقدام مشى اتقدم ليها..
انا : م فهمتو طبعا بليده شديد،،قلته ليه م فهمت..
احمد : م بعيد ليك المهم مؤتمن اكبر اناني يقابلني في حياتي.. ونتى كمان اكبر غبيه..
انا : انت اسي بتشاكلني لشنو؟!..
احمد : عشان م بتفهمي وعليك الله اسي انا باقي لي دقيقتين بس عشان ابدا دوامي ف م ح اقدر ارغي معاك بس رسلي لي رقم عمي عمران تمام..
انا : لشنو؟!
احمد : عشان اتصور معاو..
انا : أحمد 😤.
احمد : ياعيون احمد❤️🔥.
انا : عاوز رقم ابوي لشنو؟! +انا وابوي واااحد الكلام العاوز تقولو لابوي قولو لي انا..
احمد : طيب ياعمي عمران ربنا يطول في عمرك ويديم صحتك وعافيتك انا احمد علي عكاشه جاركم عندك بت مجنونه كدا وطيبه وحبوبه وعنيده وم بتسمع الكلام بس للاسف انا اتنيلت وحبيتها كنت راجيك تنزل السودان عشان اطرح الموضوع دا بس الشغلانه جابت ليها خطف حبيبات وخيانات من الاصحاب فقلت المره دي بكلمك بدري قبل الخطفه الجايه لانه صراحه بتك سمحه شديد واولاد الناس ديل م بقعدو ساي..
انا : أحمد؟؟؟؟!!! انت بتحبني؟؟!!!!...
احمد:ياخي بحب امك وحبوبتك زاتا اها؟🔥.
احمد : بعدين حاجه ياعمي بتك زاتا بتحبني بس ح تكابر وم حتوريك الوسخه انا بعرفها كويس قام ضحك قالي م ح اقول ليه الوسخه لكن المهم🤣❤️.
انا : م عارفه اجيبها ليك كيف لكن انا لهسي م فاهماك..
احمد : م مستغرب ابدا عارفك بتفهمي بعد ساعتين،، بس والله انا عندي شغل اسي وم بقدر استناك ف نتلاقى زمن البريك+م تنسي ترسلي رقم الحاج عشان م اجي انسيك اليوم الولدوك في..
احمد قفل الشات وطلع ونا بقيت زي الارقوز الحمدلله انه حوارنا كان شات م كول عشان ارجع اقراو ميه مره تاني عشان افهم،، قريتو وقريتو وقريتو بعديها ختيت يدي في راسي كدا وقلت معقوله؟؟! I can't believe.. كيف بحبني كيف؟!ونا خاتاهو اخوي ما اكتر.. طيب هل انا بحبو!!؟..م قدرت اجاوب ع السؤال دا صراحه😩قمت اتصلت ع رنا ورنيم في مكالمه جماعيه..
رنا : اها وان شاء الله مالك اليله داكه اليوم خلاص بقت عاجباك حركاتي دي..
انا : قفلو دا م الموضوع نهاي،موضوعي اكبر من كدا..
رنيم : اها خير مايكون مؤتمن الهطله..
انا : بليده يارنيم تخمين خاطئ..
رنا : اها وهي مسابقه ولا شنو احنا نقعد نخمن ونتي تورينا صح ولا غلط.. اتزفتي احكي سرعه انا وراي محاضره م فاضيه ليك..
انا : عشان غبت يوم واحد يارنا اصبري حسابك معاي😩 المهم المهم المهم الموضوع احمممد..
رنا : واي المكسرني🦦.
رنيم : مالو خير حاصل ليه شنو..
انا : قمته حكيت ليهم..
رنا : ماهو م ممكن انا اي زول اكرش عليه يجي يتقدم ليك😩😂💦..
رنيم : سوقك نار والله اليومين دي🤣🔥.
انا : زفتاااات ياخ انا اتصلت ليكم عشان توروني انا بحبو ولا لا..
رنيم : ماشاءالله انحنا قلبك طبعا عشان كدا ح نعرف صح🐤؟!..
رنا : بعيد من كل حاجه احمد دا اكتر زول قدر يغير في حياتك يايسرا انا ممتنه ليهو قبليك والله، تتزكري لمن كنا بنتعب عشان نقول ليك ختي طرحه في راسك وبعد دا م بتسمعي كلامنا🙂اسي شوفي انتي اكتر وحده محجبه فينا ولا سبيبه من شعرك ماطالعه❤️تتزكري لمن كنتي ما بتصلي عديل💔اسي بقا لمن تحصل لي مشكله بتمسكيني من يدي وبتقولي لي ورح نصلي ربنا هو الحيعينك❤️جبتي الحاجات دي كلها من وين؟! ياها من احمد دا ف هو غير فيك كتير والله وكان دايما بغيرك للاحسن فهمتي..
رنيم : بجد صح كلام رنا واحمد دا ما حتلقي زيو ابدا..
رنا : واذا عاوزه تسألي بتحبي ولا لا انا ح اوريك،،عارفه انك خليتي مؤتمن لي؟! م عشان شروطو ابدا🙂 عشان انتي م عاوزه يكون في حاجه حاجز بينك وبين أحمد لانه اليوم ديك جيتي الصباح مضايقه شديد لمن سالتك قلتي لي احمد م بتكلم معاي كويس وقال اذا بقيت في عصمه مؤتمن اخت حواجز و اقلل كلامي معاو ف طوالي في نفس اليوم شوتي مؤتمن من حياتك لانك اصلا م بتحبي مؤتمن وعاوزه تفضلي قريبه من احمد❤️.
رنيم : ختت التلفون وصفقت شاطره يارنا انتي لي م بتجي البروف؟!والله الناس ديل شكلهم ظالمنك👏.
رنا : خلي هظارك دا انحنا جادين دا مصيرها يابتت..
رنيم : يسرا مصيرك مع احمد ماف ليك حلل♥️..
انا :...........
رنا ورنيم: يابتتت..
انا:قاعده افكر ياخي..
رنا : م محتاج تفكير..
انا : خلاص ياخ امكن بحبو بس انا عشان بحب الطقه🤣.
رنا :هسي الجاب سيره الطقه هنا شنو يطقوك بعكاز ياخي..
رنيم : يسو استخيري بس الموضوع بسيط ويلا باي انا عندي شغله راجياني وطلعت..
انا : غايتو اليله دا بقيتو تتشمو لي واعيات واعيات..
رنا : يسرا الله يهديك مننا😂💦طبعا ماوريتك حمودي تف تف حمودي شنو اقصد محمدددد ابكررر..
انا : مبروك عليك التجاوز🤣🤝🏻.
رنا : اتجاوزت أمه يابتتت ادعيتك ديك خطيره والله..
انا : لسه حتتعلمو مني🦦..
رنا : ماتسكتي ياخ احكي ليك الحاصل..
انا : اها؟!..
رنا : زي ماشايفاهو انتي بعد سابني اختفا بقا م قاعد يجي، المهم اول امبارح كدا لقيت منو مكالمتين اساسا م عرفت انه د هو لاني ماسحه ارقامه وحاظراهم، اليله جاني في الكليه وانتظرني بره لمن خلصت محاضرتي لقيتو عملت ماشايفاهو ومشيت جا علي قال لي رنا في كلام عاوز اقولو ليك، قلته ليه بس انحنا كلامنا انتهى كله زمان ومعاه ضحكه استغرب فيني طبعا كيف اشوفو وما أضعف وما احن مثلا بس هو ماعارف انه الحب دا زي مابدا ممكن ينتهي ..قال لي اتغيرتي سريع كدا قلته ليه اتغيرته وكبرت كمان لو فاكر حتجي تلقا رنا العويره البتسمع كلامك ديك دي ماهي دي وحده تانيه أكبر منها وفاهمه الدنيا دي كويس،قال لي والله معليش بجد بس هي حاجه بسيطه ممكن تسمعيها قلته ليه طيب قال لي نبدا صفحه جديده قلته ليه على شنو!؟ قال لي اكتشفت انه ماجاك زول ولاشي كنتي بتقيسي في نبضي وفشلت في الاختبار ف انا متأسف شديد ع اني مسكت بيك زمن بس م عاوز يكون بيناتنا حاجه غل وزعل وكلام زي دا جيت اعتزر ليك عشان نرجع صافين وكأنه م ارتبطنا في يوم،، ف قلته لي جدا اصلا مسامحاك وم شايله ليك كمان ب العكس ممتنه ليك لانه تجربتك دي فتحت عيوني للدنيا، قال لي تعرفي م حصل لقيت بت بطيبتك دي ابدا ف مد لي يدو وقال لي ان شاء الله اشوفك مع البستاهلك يارب❤️..قلته ليه آمين،،، ومن الصباح فرقلت الجامعه دي كلها عشان القاك م لقيتك قربت احكي ل عبدالله🤣لانه الشمار كان واقف في حلقي المهم اسي حاسه ب الانجاز الشديد..
انا : ب الانجاز عشان قاليك طيبه مش🦥💔.
رنا : بجي بفلقققك😩😂💦،والله بقا م بتهمني حاجه بتخصو يعني م بأثر معاي ابدا،تتزكري لمت كنت ببكي وبقول ليك عاوزاهو هو بس🤣🤣🤣🔥.
انا : اي والله ياخ نسيت اصورك كان زله ليوم الدين🤣👋🏻.
رنا : الحمدلله هانت❤️.
انا : مبسوطه ليك والله..
رنا :انا كمان مبسوطه ليك ب أحمد والله دا ازبط شخصيه في التاريخ،، كنت متمنيه يوم بس الزفت محمد دا يقول لي كوزي طرحتك ولا يقول لي م تلبسي كدا تاني بس ما لقيتها منو نهائي وكمان لمن يوم الالبس ضيق بقول لي مكناااااايه.. اتخيلي..
انا : مكنايه دي عجبتني والله🤣🔥.
رنا :انا اصلا تافهه البحكي ليك،تخلي الموضوع الاصلي وتمسكي في التفاهه بس..
انا : معليش ياخ😹💔انتي يابتت مش قلتي وراك محاضره..
رنا : والله حسستيني زي الانتي اتخرجتي حقو م اتندس ليك+امشي بوحي بمشاعرك الداسها دي لود الناس دا م تخليهو يستنا اكتر من كدا..
🔘صلو علي الحبيب.. ♥️🌸.
